આ મંજૂરીઓના પરિણામે રાજ્યમાં અંદાજિત 5,634 જેટલી રોજગારીની તકો ઊભી થશે. જે રાજ્યના યુવાનો માટે આર્થિક ઉન્નતિના દ્વાર ખોલશે. આ બેઠકમાં બે મુખ્ય યોજનાઓ હેઠળ ઉદ્યોગોને પ્રોત્સાહન આપવામાં આવ્યું છે. જેમાં ઔદ્યોગિક નીતિ-2015 (ઇન્સેન્ટીવ ટુ ઇન્ડસ્ટ્રિઝ) હેઠળ કુલ 22 મોટા એકમો દ્વારા રૂ.

770.29 કરોડના મૂડીરોકાણની અરજીઓ તથા આત્મનિર્ભર ગુજરાત યોજના-2022 હેઠળ પંચમહાલ જિલ્લાના 1 મોટા એકમ દ્વારા રૂ. 837.67 કરોડના મૂડીરોકાણને મંજૂરી આપવામાં આવી છે. રાજ્ય સરકારની આ યોજનાઓનો મુખ્ય હેતુ ઉદ્યોગોને નેટ એસ.જી.એસ.ટી. સહાય, વ્યાજ સહાય અને ઇ.પી.એફ. રીએમ્બર્સમેન્ટ આપીને પ્રોત્સાહિત કરવાનો છે. આનાથી માત્ર મોટા ઉદ્યોગો જ નહીં, પરંતુ તેમની સાથે જોડાયેલા ખજખઊ સેક્ટરના નાના એકમોને પણ વેગ મળશે અને રાજ્યમાં એક મજબૂત 'ઇન્ડસ્ટ્રી ફ્રેન્ડલી ઇકો-સિસ્ટમ'નું નિર્મા ણ થશે.બેઠકમાં મંજૂર કરવામાં આવેલ અરજીઓ પૈકી અમદાવાદ જિલ્લામાં ઓટો સેક્ટરમાં રૂ.186.77 કરોડ, સુરતમાં ટેક્ષટાઇલ, પેપર અને અન્ય સેક્ટરમાં રૂ.148.34 કરોડ, ગાંધીનગરમાં મેટલ અને મિનરલ્સ સેક્ટરમાં રૂ.81.09 કરોડ, સાંબરકાંઠામાં મેટલ અને અન્ય સેક્ટરમાં રૂ.57.90 કરોડ, પંચમહાલ જિલ્લામાં રૂ.15.80 કરોડની મંજૂરી અપાઈ છે. આ ઉપરાંત બનાસકાંઠા જિલ્લામાં એગ્રો પ્રોડક્ટસ સેક્ટરમાં રૂ.26.07 કરોડ, ભરૂચમાં કેમિકલ સેક્ટરમાં રૂ.186.57 કરોડ, મહેસાણામાં એન્જિનિયરીંગ સેક્ટરમાં રૂ.25.89 કરોડ, રાજકોટમાં ઓટો સેક્ટરમાં રૂ.9.82 કરોડ, વલસાડમાં એન્જિનિયરીંગ સેક્ટરમાં રૂ.13.30 કરોડ, સુરેન્દ્રનગરમાં મેટલ સેક્ટરમાં રૂ.18.74 કરોડ અને પંચમહાલ જિલ્લામાં જનરલ સેક્ટરમાં રૂ.837.67 કરોડના મૂડીરોકાણને સહાય માટે મંજૂરી આપવામાં આવી.