આ કામગીરીના ભાગરૂૂપે આજ તા. 25-08-2026ના રોજ વોર્ડ નં. 18 ખાતે નાયબ કમિશનર ચેતન નંદાણી તથા આરોગ્ય અધિકારી ડો. જયેશ વકાણી દ્વારા ડ્રોનના માધ્યમથી મચ્છર ઉત્પત્તિના સ્થળોના સર્વેની કામગીરીનું સ્થળ પર મોનીટરીંગ કરવામાં આવ્યું હતું. આ આવસરે ડ્રોન દ્વારા શહેરના મચ્છર ઉત્પત્તિ સંભવિત વિસ્તારોનું સર્વેક્ષણ કરી સ્થળોની ઓળખ કરવાની તેમજ જરૂૂરી સ્થળોએ લાર્વીસાઇડ દવાનો છંટકાવ કરવાની કામગીરીનું પ્રત્યક્ષ નિદર્શન કરવામાં આવ્યું હતું. ડ્રોન ટેકનોલોજીના ઉપયોગથી એવા વિસ્તારો કે સ્થળો, જ્યાં પરંપરાગત રીતે પહોંચવું મુશ્ર્કેલ હોય ત્યાં પણ મચ્છરના ઉત્પત્તિ સ્થાનોની ઝડપી અને અસરકારક રીતે ઓળખ કરી શકાય છે. તેમજ ઓળખાયેલા સ્થળોએ લાર્વીસાઇડ દવાનો જરૂૂરી છંટકાવ કરી મચ્છરની ઉત્પત્તિ અટકાવવાની કામગીરી વધુ સુવ્યવસ્થિત રીતે હાથ ધરવામાં આવશે.
રાજકોટ મહાનગરપાલિકા દ્વારા શહેરીજનોને પણ પોતાના આસપાસના વિસ્તારમાં પાણી ભરાઈ ન રહે તેની તકેદારી રાખવા તથા મચ્છરના ઉત્પત્તિ સ્થાનો દૂર કરવામાં સહયોગ આપવા અપીલ કરવામાં આવે છે.