ગુજરાતમાં સંપૂર્ણ દારૂબંધી છે, પરંતુ તેની પોલ અવરનવાર ખૂલતી રહે છે. હવે અમદાવાદનાં સાબરમતી વિસ્તારમાં કાયદો અને વ્યવસ્થાના લીરેલીરા ઉડાવતો એક ડાવતો એક કિસ્સો સામે આવ્યો છે. સાબરમતી પોલીસ સ્ટેશનની હદમાં આવેલા સરસ્વતીનગરમાં એક બુટલેગર પોતાના ઘરમાં બેસીને બે મહિલાઓ સાથે ગૃહ ઉદ્યોગ ચલાવતો હોય તેમ દેશી દારૂનું પેકિંગ કરી રહ્યો છે.

ગુજરાત સમાચારના અહેવાલ મુજબ પોલીસે જણાવ્યું કે, 'આ વીડિયો લગભગ 2 મહિના જૂનો હોવાનું પ્રાથમિક તપાસમાં બહાર આવ્યું છે. વીડિયોમાં દેખાતા મુખ્ય આરોપી બુટલેગર ભરત ઠાકોર વિરુદ્ધ કાયદેસરનો ગુનો નોંધી આગળની કાર્યવાહી હાથ ધરવામાં આવી છે.'

આ અંગે અમદાવાદ પોલીસે ટ્વીટ કરીને જણાવ્યું હતું કે, આ બનાવમાં તા.31-03-2026 ના રોજ સાબરમતી પોલીસ સ્ટેશન ખાતે ગુ.ર.નં. 11191039260182/2026, પ્રોહિબિશન એક્ટ ની કલમ 66(1)b, 65(a)(a) મુજબ ગુનો નોંધી કાયદેસરની કાર્યવાહી કરવામાં આવી છે.