કર્ણાટકની એક સરકારી મેટરનિટી હોસ્પિટલમાંથી સોશિયલ મીડિયા પર એક વીડિયો સામે આવ્યા બાદ વિવાદ ઉભો થયો છે. આ ક્લિપ જોઇને લોકોના મનમાં સવાલ ઉઠી રહ્યો છે કે, શું ધારાસભ્ય રમેશ બંદીસિદ્દેગૌડાની માતાના જન્મદિવસની ઉજવણી માટે હોસ્પિટલ પરિસરનો ઉપયોગ કરવામાં આવ્યો હતો?.

શ્રીરંગપટનાના અરેકેરે ગામના રહેવાસીઓનો આરોપ છે કે ધારાસભ્યની માતાના જન્મદિવસ નિમિત્તે એક મનોરંજન કાર્યક્રમમાં સામેલ કલાકારોને સરકારી હોસ્પિટલમાં રહેવાની પરવાનગી આપવામાં આવી હતી.

આ વીડિયો સોશિયલ મીડિયા પર ઝડપથી વાયરલ થઇ ગયો, જેના કારણે ટીકા થઈ અને જવાબોની માંગણી થઈ. લોકોએ સ્પષ્ટતા માંગી છે કે કલાકારોને હોસ્પિટલનો ઉપયોગ કરવાની કોણે આપી અને શું સત્તાવાર પરવાનગી લેવામાં આવી હતી. તેમણે એ પણ પ્રશ્ન કર્યો છે કે શું હોસ્પિટલની જગ્યાના આ કથિત ઉપયોગથી દર્દીઓ અથવા નિયમિત આરોગ્યસંભાળ સેવાઓ પર અસર પડી?

કર્ણાટકના આરોગ્ય મંત્રી યુ.ટી. ખાદરે જણાવ્યું હતું કે આ મામલાની તપાસ કરવામાં આવશે અને હોસ્પિટલની અંદર રીલ બનાવવા અંગેની વિગતો લેવામાં આવશે. ધારાસભ્યના પરિવારનો બચાવ કરતાખાદરે કહ્યું હતું કે, તેમણે આમતવિસ્તારમાંથી સાત વખત ચૂંટણી જીતી છે અને આરોગ્યસંભાળ સંબંધિત જરૂરિયાતોમાં જનતાને મદદ કરી છે.

તેમણે કહ્યું કે ધારાસભ્યના માતા-પિતાના જન્મદિવસની ઉજવણી દરમિયાન હોસ્પિટલના રૂમનો ઉપયોગ કરવામાં આવ્યો હતો, પરંતુ ફક્ત સોશિયલ મીડિયા રીલના આધારે તારણો કાઢવા સામે ચેતવણી આપી હતી. ખાદરે કહ્યું હતું કે રૂમ ખાલી રહ્યો હોય, જોકે તેમની પાસે પરિસ્થિતિની સંપૂર્ણ માહિતી નથી. તેમણે કહ્યું કે આગળની કાર્યવાહી જરૂરી છે કે નહીં તે નક્કી કરતા પહેલા તેઓ સત્તાવાર રિપોર્ટ માંગશે.