બોલિવૂડના ઘણાં કલાકારો કોરોના વાયરસ સંક્રમિત થઈ ચૂક્યા છે ત્યારે ગુજરાતી સિનેમાના દિગ્ગજ અભિનેતા નરેશ કનોડિયાનો કોરોના રિપોર્ટ પોઝિટિવ આવ્યો હોવાનું જાણવા મળ્યું છે. નરેશ કનોડિયાનો કોરોના રિપોર્ટ પોઝિટિવ આવતા હાલ તેઓને વધુ સારવાર માટે યુએન મહેતા હોસ્પિટલમાં દાખલ કરવામાં આવ્યા છે.
નરેશ કનોડિયાનો કોરોના રિપોર્ટ પોઝિટિવ આવતા તેમના ફેન્સ ચોંકી ગયા છે અને નરેશ કનોડિયા જલદી સાજા થાય તેવી પ્રાર્થના કરી રહ્યા છે.
ગુજરાતી ફિલ્મોના સુપરસ્ટાર નરેશ કનોડિયાનો જન્મ તારીખ ૨૦ ઓગસ્ટ, ૧૯૪૩ના રોજ મહેસાણા પાસે આવેલા કનોડા ગામમાં થયો, તેઓ સફળ એક્ટર સહિત કુશળ સંગીતકાર પણ છે. તેમણે વર્ષ ૧૯૭૦માં આવેલી ગુજરાતી ફિલ્મ વેલીને આવ્યા ફૂલથી એક્ટર તરીકેની શરૂઆત કરી.