આ પ્રદર્શનમાં ૫૦૦થી વધુ નવીન ઈન્ટિરિયર પ્રોડક્ટ્સ, મટિરિયલ્સ, ડિઝાઇન કન્સેપ્ટ્સ અને સોલ્યુશન્સ રજૂ કરવામાં આવશે. એક જ છત નીચે અગ્રણી ઈન્ટિરિયર બ્રાન્ડ્સ, ઉદ્યોગ નિષ્ણાતો, ડિઝાઇનર્સ અને ઉભરતી પ્રતિભાઓ એકત્રિત થશે.

પ્રદર્શનનું મુખ્ય આકર્ષણ બીઆરડીએસના ૩૦૦થી વધુ ઈન્ટિરિયર ડિઝાઇન વિદ્યાર્થીઓ દ્વારા રજૂ કરવામાં આવનાર સર્જનાત્મક કાર્ય રહેશે. વિદ્યાર્થીઓ ફર્નિચર ડિસ્પ્લે, ટાઉનશિપ કન્સેપ્ટ્સ, વિવિધ ઇન્સ્ટોલેશન્સ, બેસ્ટ-આઉટ-ઓફ-વેસ્ટ સર્જન, ઈન્ટિરિયર એક્સેસરીઝ, ત્રિ-પરિમાણીય મોડેલ્સ તેમજ વિગતવાર ઈન્ટિરિયર ડ્રોઇંગ્સ રજૂ કરશે. આ ઉપરાંત ડ્યુરિયન લેમિનેટ્સ, એસ્કોઝોર ઓટોમેશન્સ, ક્રાઉન ઈન્ટિરિયર્સ, મોર્ફો ફર્નિચર, ફાઇનલ ટચ ટાઇલ્સ એન્ડ ઈન્ટિરિયર સોલ્યુશન્સ, ઓલ અબાઉટ બોહેમિયન અને રમત હોમ્સ સહિતની જાણીતી બ્રાન્ડ્સ પોતાના નવીનતમ પ્રોડક્ટ્સ, સેવાઓ અને ડિઝાઇન સોલ્યુશન્સ રજૂ કરશે.

આ પ્રદર્શન માત્ર પ્રોડક્ટ્સનું પ્રદર્શન નહીં, પરંતુ ડિઝાઇન, સર્જનાત્મકતા અને નવીનતાના આદાન-પ્રદાનનું મહત્વપૂર્ણ મંચ બનશે. વિદ્યાર્થીઓ, ડિઝાઇનર્સ, આર્કિટેક્ટ્સ, ઉદ્યોગ નિષ્ણાતો, ઈન્ટિરિયર બ્રાન્ડ્સ અને ડિઝાઇનપ્રેમીઓ માટે આ કાર્યક્રમ નવીન વિચારો અને આવનારી ડિઝાઇન ટ્રેન્ડ્સને નજીકથી સમજવાની તક પૂરી પાડશે.