અમદાવાદ: શહેરના સિંધુ ભવન ખાતે આવેલા અનહત લૉન ખાતે આજે 'ઓરા સ્ટુડિયો'નું ગ્રાન્ડ લોન્ચિંગ કરવામાં આવ્યું હતું. સર્જનાત્મકતા, વિચારોના આદાન-પ્રદાન અને વિવિધ ક્ષેત્રના લોકો માટે એકસાથે મળીને કામ કરવા માટે આ અત્યાધુનિક સ્ટુડિયો તૈયાર કરવામાં આવ્યો છે.
કોઈપણ પ્રકારની ક્રિએટિવ અથવા કન્ટેન્ટ આધારિત પ્રવૃત્તિ માટે સારા સ્ટુડિયોની મહત્વની ભૂમિકા હોય છે.
આ બાબતને ધ્યાનમાં રાખીને ઓરા સ્ટુડિયોને એવી સુવિધાઓ સાથે તૈયાર કરવામાં આવ્યો છે, જ્યાં લોકો પોતાની ક્રિએટિવિટી અને બિઝનેસ આઇડિયાઝ પર સાથે મળીને કામ કરી શકે.
આ સ્ટુડિયો ખાસ કરીને બાળકોના જીવન કૌશલ્ય વિકાસ કાર્યક્રમો માટે પણ ઉપયોગી બનશે. સાથે જ શહેરના યુવાનો, વડીલો તેમજ વિવિધ સમુદાયના લોકો અહીં એકત્ર થઈને વિવિધ વિષયો પર ચર્ચા કરી શકશે અને પોતાના વિચારોનું આદાન-પ્રદાન કરી શકશે.
ઓરા સ્ટુડિયોમાં વિવિધ પ્રકારની ઇવેન્ટ્સ, ચર્ચાઓ, ક્રિએટિવ સેશન અને કોમ્યુનિટી કાર્યક્રમોનું આયોજન કરી શકાય તેવી સુવિધાઓ ઉપલબ્ધ કરાવવામાં આવી છે. આ સ્ટુડિયો લોકોને એક જગ્યાએ ભેગા થઈને નવા વિચારો રજૂ કરવા, ચર્ચા કરવા અને સર્જનાત્મક પ્રોજેક્ટ્સ પર કામ કરવાની તક આપશે.
શહેરના સિંધુ ભવન જેવા મહત્વપૂર્ણ વિસ્તારમાં શરૂ થયેલો આ આધુનિક સ્ટુડિયો આગામી સમયમાં બાળકો, યુવાનો અને વિવિધ સમુદાયો માટે ક્રિએટિવિટી તથા વિચારોના આદાન-પ્રદાનનું નવું કેન્દ્ર બની શકે છે.