Monday, 21 Sep, 10.28 am Mantavya News

હોમ
188 દિવસ બાદ પ્રવાસીઓ માટે ખુલ્લો મુકાયો તાજમહેલ અને આગ્રા કિલ્લો, જતા પહેલાં જાણો આ નિયમો

વિશ્વવિખ્યાત તાજમહેલ અને આગ્રા કિલ્લો આજથી સામાન્ય લોકો માટે ખુલ્લો મુકાયો છે. આગ્રાના જિલ્લા કલેકટર પી.એન.સિંહના જણાવ્યા અનુસાર શરૂઆતમાં એક દિવસમાં માત્ર પાંચ હજાર લોકોને તાજમહેલ જોવાની છૂટ આપવામાં આવશે. તેવી જ રીતે, ફક્ત 2500 લોકો જ આગ્રા કિલ્લા પર પહોંચી શકશે. કોરોના મહામારીને કારણે બંને વિશ્વવિખ્યાત ઐતિહાસિક સ્થળો 22 માર્ચથી બંધ છે.

તાજમહેલ અને આગ્રા કિલ્લો જોવા માટે, તમારે કોરોના વાયરસ માર્ગદર્શિકાને અનુસરવી પડશે. આપને જણાવી દઈએ કે એક દિવસમાં 5000 પ્રવાસીઓને તાજમહેલમાં પ્રવેશ આપવામાં આવશે. તે જ સમયે, 2500 પ્રવાસીઓને આગ્રા કિલ્લામાં પ્રવેશ આપવામાં આવશે. પ્રવેશ માટે તમે ઓનલાઇન ટિકિટ બુક કરાવી શકાય છે. જે પછી તમે ક્યૂઆર કોડ સ્કેન કરીને અંદર પ્રવેશ કરી શકો છો. કોવિડને કારણે હાલમાં વિંડોની ટિકિટ બંધ છે. વિદેશીઓએ પ્રવેશ ટિકિટ માટે 1100 રૂપિયા અને દેશના પ્રવાસીઓ માટે 50 રૂપિયા ચૂકવવા પડશે.

પ્રવાસીઓએ આ નિયમોનું કરવું પડશે પાલન

સ્મારકોમાં સ્ટેડર્ડ ઓપરેટિંગ પ્રોસીજર (એસઓપી) ને અનુસરવાનું નક્કી કરવામાં આવશે.

પ્રવાસીઓ તાજમહેલમાં શાહજહાં અને મુમતાઝની સમાધિ જોઈ શકશે.માત્ર 5 જ લોકો એક સાથે અંદર જઇ શકશે.

પ્રવાસીઓ માટે માસ્ક આવશ્યક છે.

સામાજિક અંતરનું યોગ્ય રીતે પાલન કરવું આવશ્યક છે

પાર્કિંગ સહિતની તમામ ચુકવણીઓ ડિજિટલ મોડમાં કરવી પડશે.

સ્મારકોમાં જૂથ ફોટોગ્રાફી કરવાની મંજૂરી નથી.

એન્ટ્રી લેતા પહેલા આ સ્મારકો થર્મલ સ્ક્રિનિંગ કરવામાં આવશે. ફક્ત કોરોના વાયરસનાં લક્ષણો વિનાનાં લોકોને જ પ્રવેશ આપવામાં આવશે.

Dailyhunt
Disclaimer: This story is auto-aggregated by a computer program and has not been created or edited by Dailyhunt. Publisher: Mantavya News Gujarati
Top