National News : કેન્દ્ર સરકારના પેન્શનરો (Central Government Pensioners)માટે 8મો પગાર પંચ (8th Pay Commission)મહત્વપૂર્ણ ફેરફાર લઈને આવી શકે છે. પેન્શનર સંગઠનો દ્વારા કમ્યુટેડ પેન્શનની રકમની પુનઃસ્થાપનાની હાલની 15 વર્ષની સમયમર્યાદા ઘટાડીને 11થી 12 વર્ષ કરવાની માંગ કરવામાં આવી રહી છે. જો આ માંગ સ્વીકારવામાં આવે તો કેટલાક પેન્શનરો (Pensioners)ને લાંબા ગાળે નોંધપાત્ર આર્થિક લાભ મળી શકે છે.
શું છે પેન્શન કમ્યુટેશન?
સરકારી કર્મચારીનિવૃત્તિ સમયે પોતાની બેસિક પેન્શનના મહત્તમ 40 ટકા હિસ્સાને એકસાથે રકમ તરીકે લઈ શકે છે. તેના બદલામાં દર મહિને મળતી પેન્શનમાં ઘટાડો થાય છે.
હાલના નિયમ પ્રમાણે કમ્યુટેડ પેન્શન (Commuted Pension)ની કપાત બાદ સંપૂર્ણ પેન્શન સામાન્ય રીતે 15 વર્ષ પૂર્ણ થયા પછી પુનઃસ્થાપિતથાય છે.
15 વર્ષનો નિયમ બદલવાની માંગ કેમ?
પેન્શનર (Pensioners) સંગઠનોનું કહેવું છે કે આ નિયમ ઘણા વર્ષો પહેલાં નક્કી કરવામાં આવ્યો હતો. તે સમયની વ્યાજદરો, ફુગાવો, જીવનપ્રત્યાશા અને અન્ય નાણાકીય પરિસ્થિતિઓ આજની સ્થિતિ કરતાં અલગ હતી.
સંગઠનોનો દાવો છે કે વર્તમાન નાણાકીય પરિસ્થિતિમાં સરકાર દ્વારા આપવામાં આવેલી કમ્યુટેડ રકમની વસૂલાત આશરે 10થી 11 વર્ષમાં થઈ શકે છે. તેથી 15 વર્ષ સુધી પેન્શનમાં કપાત ચાલુ રાખવાની વ્યવસ્થાની ફરી સમીક્ષા થવી જોઈએ.
₹35,000 પેન્શનનું ગણિત
માનો કે કોઈ પેન્શનરની બેસિક પેન્શન ₹35,000 છે.
તેના 40 ટકા પ્રમાણે:
₹35,000 × 40% = ₹14,000
અર્થાત, કમ્યુટેશનને કારણે દર મહિને આશરે ₹14,000ની પેન્શન રકમનો તફાવત થઈ શકે છે.
જો પુનઃસ્થાપનનો સમયગાળો 15 વર્ષમાંથી ઘટાડીને 11 વર્ષ કરવામાં આવે, તો પેન્શનર (Pensioners)ને 4 વર્ષ વહેલું સંપૂર્ણ પેન્શન મળવાનું શરૂ થઈ શકે છે.
ચાર વર્ષ એટલે 48 મહિના:
₹14,000 × 48 = ₹6,72,000
અર્થાત, આ ઉદાહરણમાં વધારાનો લાભ આશરે ₹6.72 લાખ થાય છે, જેને કેટલાક અહેવાલોમાં લગભગ ₹6.75 લાખ તરીકે દર્શાવવામાં આવે છે.
કર્મચારીઓ અને પેન્શનરો માટે ખુશખબર, હાઈકોર્ટના ચુકાદાનો 45 દિવસમાં અમલ કરવો હવે ફરજિયાત