World News : આર્ટિફિશિયલ ઇન્ટેલિજન્સ (Artificial Intelligence)નો વ્યાપ સતત વધી રહ્યો છે ત્યારે માઈક્રોસોફ્ટના સહ-સ્થાપક બિલ ગેટ્સે AI Jobsને લઈને ગંભીર ચેતવણી આપી છે. તેમના મતે આવનારા વર્ષોમાં AIનો પ્રભાવ એટલો ઝડપથી વધશે કે યુવાનો માટે કારકિર્દીની શરૂઆતની તકો ઘટી શકે છે.
ગેટ્સે પોતાના તાજેતરના બ્લોગ 'The turbulent AI era is here.
The choices we make now are critical'માં AIના ફાયદા અને જોખમો અંગે વિગતવાર વાત કરી છે. તેમણે કહ્યું કે દુનિયા AIના કારણે આવનારા મોટા સામાજિક અને આર્થિક બદલાવ માટે હજુ સંપૂર્ણ રીતે તૈયાર નથી.
તેમના મતેAI Jobsનો સૌથી મોટો પ્રભાવ એન્ટ્રી-લેવલ ( Entry-Level Jobs)અને મિડ-લેવલ નોકરીઓ પર પડી શકે છે. કાયદા, કસ્ટમર સર્વિસ, મેડિસિન, સોફ્ટવેર અને મેન્યુફેક્ચરિંગ જેવા ક્ષેત્રોમાં AI માણસોના અનેક કાર્યો સંભાળી શકે છે. નવી નોકરીઓ ચોક્કસ ઊભી થશે, પરંતુ તેને મેળવવા માટે જરૂરી કુશળતા વિકસાવવામાં વર્ષો લાગી શકે છે.
યુવાનો માટે કરિયરની શરૂઆત બનશે પડકારજનક
બિલ ગેટ્સની ખાસ ચિંતા યુવાનો માટેની Entry-Level Jobsને લઈને છે. સામાન્ય રીતે કારકિર્દીની શરૂઆતમાં મળતી નોકરીઓ યુવાનોને કામનો અનુભવ, તાલીમ અને અનુભવી સાથીઓ પાસેથી શીખવાની તક આપે છે. પરંતુ AI વધુ સક્ષમ બનશે તેમ આવી શરૂઆતની ભૂમિકાઓની સંખ્યા ઘટી શકે છે.
ગેટ્સના મતે આ માત્ર ઓફિસની નોકરીઓ પૂરતું મર્યાદિત નહીં રહે. આ દાયકાના અંત સુધી સ્માર્ટ રોબોટ્સ મેન્યુફેક્ચરિંગ અને હોસ્પિટાલિટી જેવા ક્ષેત્રોમાં કેટલાક શારીરિક કામો માટે પણ માણસો સાથે સ્પર્ધા કરી શકે છે.
AIથી સાયબર જોખમો પણ વધી શકે
નોકરીઓ ઉપરાંત ગેટ્સે AI Automation સાથે જોડાયેલા અન્ય જોખમો અંગે પણ ચિંતા વ્યક્ત કરી છે. AIના કારણે ફ્રોડ, ડીપફેક, ખોટી માહિતી અને સાયબર હુમલાઓ વધુ અસરકારક બની શકે છે. શક્તિશાળી AI સિસ્ટમનો સરકારો અથવા ખોટા ઇરાદા ધરાવતા લોકો દ્વારા દુરુપયોગ થવાની શક્યતા પણ તેમણે દર્શાવી છે.
જોકે ગેટ્સ AIના વિકાસને રોકવાની તરફેણમાં નથી. તેઓ માને છે કે AI ડોકટરો અને શિક્ષકોને મદદ કરવા, ખેતીમાં સુધારો કરવા અને સરકારી સેવાઓને વધુ અસરકારક બનાવવા માટે ઉપયોગી સાબિત થઈ શકે છે.
AIના બદલાવ માટે અત્યારથી પ્લાન જરૂરી
ગેટ્સના મતે Future of Work માટે સરકારો અને નીતિ-નિર્માતાઓએ અત્યારથી આયોજન કરવું જરૂરી છે. AIથી થતા બદલાવની ગતિ એટલી ઝડપી હોઈ શકે છે કે સમાજને તેની સાથે તાલમેલ બેસાડવામાં મુશ્કેલી પડી શકે.
તેમણે એવી નોકરીઓને માનવીઓ માટે વધુ સુરક્ષિત રાખવાની જરૂરિયાત પણ દર્શાવી છે, જેમાં સહાનુભૂતિ, માનવીય જોડાણ અને વ્યક્તિગત સમજણ મહત્વપૂર્ણ હોય. તેમના મતે AIથી મળતા લાભોનો ઉપયોગ કરતાં તેની આર્થિક અને સામાજિક અસરો માટે પણ અગાઉથી તૈયારી કરવી જરૂરી છે.
AI વૉઇસ ક્લોનિંગ સ્કેમ: માત્ર ૩ સેકન્ડના ઑડિયોથી અવાજ હેક; જાણો બચવાના કારગર ઉપાયો