Muzaffarnagar Medical Negligence 2026: ઉત્તર પ્રદેશના મુઝફ્ફરનગરથી(Doctor) માનવતાને શર્મસાર કરતી અને કાળજું કંપાવી દે તેવી એક ઘટના સામે આવી છે. અહીંની સરકારી જિલ્લા હોસ્પિટલના ડૉક્ટરો પર એક લાચાર વિધવા માતા પાસેથી ગેરકાયદેસર રીતે પૈસા પડાવવાનો અને બાકીના પૈસા ન મળતા તેની 14 વર્ષની માનસિક રીતે અસ્વસ્થ પુત્રીનો ઓપરેશન કરેલો પગ બળજબરીથી મરોડીને ફરીથી તોડી નાખવાનો ગંભીર આરોપ લાગ્યો છે.

ડીએમ (DM) ના મફત ઇલાજના આદેશ છતાં હોસ્પિટલ પ્રશાસને આ લાચાર પરિવાર સાથે આવી ક્રૂરતા આચરી હોવાની ફરિયાદ ઉઠતા સમગ્ર પંથકમાં ભારે રોષ ફાટી નીકળ્યો છે.

DMના આદેશ પછી પણ Doctor એ ₹8,000 પડાવ્યા

પીડિત વિધવા માતા રેશમા પોતાની દિવ્યાંગ પુત્રીને ન્યાય અપાવવા માટે જિલ્લા કલેક્ટ્રેટ કચેરીએ પહોંચી ત્યારે આ સમગ્ર ચોંકાવનારી ઘટના પ્રકાશમાં આવી હતી:

₹25,000 ની માંગણી: રેશમાના જણાવ્યા અનુસાર, આશરે દોઢ મહિના પહેલાં તેની પુત્રીના જમણા પગના હાડકાનું ઓપરેશન જિલ્લા હોસ્પિટલમાં થયું હતું. તે સમયે હોસ્પિટલના કર્મચારીઓએ તેની પાસે ₹25,000 ની લાંચ માંગી હતી. રેશમાએ પોતે વિધવા હોવાનું કહી અસમર્થતા દર્શાવતા ડૉક્ટરોએ ઇલાજ કરવાની ના પાડી દીધી હતી.

મફત ઇલાજનો આદેશ: આખરે લાચાર માતાએ જિલ્લા મેજિસ્ટ્રેટ (DM) નો દરવાજો ખખડાવ્યો હતો. ડીએમએ તાત્કાલિક મુખ્ય તબીબી અધિકારી (CMO) ને બાળકીનો ફ્રીમાં ઇલાજ કરવા સત્તાવાર આદેશ આપ્યો હતો. આમ છતાં, હોસ્પિટલના સ્ટાફે(Doctor) ડરાવી-ધમકાવીને રેશમા પાસેથી ₹8,000 પડાવી લીધા હતા અને બાકીના પૈસા પછીથી ચૂકવવાનું દબાણ કર્યું હતું.

ડૉક્ટરે બળજબરીથી ઘૂંટણનું હાડકું તોડ્યું

ઓપરેશનના થોડા દિવસો બાદ ડૉક્ટરે(Doctor) બાળકીને ચેકઅપ માટે બોલાવી હતી જેથી તેનો ઘૂંટણ વાળી શકાય.

ક્રૂરતાની હદ વટાવી: જ્યારે રેશમા પોતાની દીકરીને લઈને હોસ્પિટલ પહોંચી, ત્યારે ઓપરેશન કરનાર ડૉક્ટર ચતુર્વેદીએ બાકીના પૈસા ન મળવાની અદાવતમાં માસૂમ બાળકીનો પગ પકડીને બળજબરીથી ઘૂંટણમાંથી મરોડી નાખ્યો હતો.

એક્સ-રેમાં ભાંડો ફૂટ્યો: બાળકી દર્દથી ચીસ પાડી ઉઠી હતી અને તેના પગમાંથી હાડકું તૂટવાનો મોટો અવાજ આવ્યો હતો. આટલું કર્યા પછી પણ નિર્દય ડૉક્ટરોએ તેને સારવાર આપવાના બદલે હોસ્પિટલમાંથી બહાર તારવી મૂકી હતી. બાદમાં જ્યારે માતાએ ખાનગી લેબમાં પુત્રીના પગનો એક્સ-રે (X-Ray) કરાવ્યો, ત્યારે તેમાં ઓપરેશન કરેલું હાડકું ફરીથી તૂટી ગયું હોવાનું સાબિત થયું હતું. પરેશાન માતાએ આ અંગે હોસ્પિટલના વરિષ્ઠ ડૉક્ટરોને ફરિયાદ કરી, પરંતુ કોઈએ તેની વાત સાંભળી નહોતી.