Tech & Auto News : આજના ડિજિટલ યુગમાં સ્માર્ટફોન (Smartphone) ની બેટરી આખો દિવસ ન ચાલે તે એક મોટી સમસ્યા બની ગઈ છે. મોટાભાગના કિસ્સામાં ફોનમાં કોઈ ખામી હોતી નથી, પરંતુ આપણી દૈનિક આદતો (Daily Habits) અને બેકગ્રાઉન્ડ સેટિંગ્સ જ બેટરીનો ઝડપથી નિકાલ કરે છે. ફોનને વારંવાર 100% ચાર્જ કરવાને બદલે અને તેને 0% સુધી ડિસ્ચાર્જ થવા દેવાને બદલે કેટલીક સરળ ટેકનિકલ ટિપ્સ અપનાવવાથી બેટરી લાઈફમાં મોટો સુધારો કરી શકાય છે.
Smartphone :બેકગ્રાઉન્ડ એપ્સની પ્રવૃત્તિ મર્યાદિત કરો
દિવસભર વિવિધ એપ્લિકેશન્સમાંથી આવતા બિનજરૂરીનોટિફિકેશન (Notification) ને લીધે સ્ક્રીન વારંવાર ચાલુ થાય છે અને વાઇબ્રેશનથી પાવર વપરાય છે. તેથી માત્ર જરૂરી એપ્સના જ એલર્ટ ચાલુ રાખવા જોઈએ. આ ઉપરાંત, ઘણી એપ્સ સ્ક્રીન બંધ હોવા છતાં બેકગ્રાઉન્ડમાં પ્રોસેસ ચાલુ રાખે છે. ફોનની સેટિંગ્સમાં જઈને આવી એપ્સની બેકગ્રાઉન્ડ એક્ટિવિટીને લિમિટ કરવાથી બેટરી અને ઈન્ટરનેટ ડેટા બંનેની બચત થાય છે.
સ્ક્રીન સેટિંગ્સમાં ફેરફાર અને બેટરી સેવર મોડનો સ્માર્ટ ઉપયોગ
સ્માર્ટફોનની ડિસ્પ્લે સૌથી વધુ બેટરી વાપરે છે. તેથી 'એડેપ્ટિવ બ્રાઇટનેસ' (Adaptive Brightness) મોડ ચાલુ રાખવો અથવા મેન્યુઅલી બ્રાઇટનેસઓછી રાખવી હિતાવહ છે. સ્ક્રીન ટાઈમઆઉટનો સમય ઓછો રાખવાથી અને કીબોર્ડ હેપ્ટિક્સ બંધ કરવાથી પણ ઉર્જા બચે છે. બેટરી ઓછી હોય ત્યારે 'બેટરી સેવર' અને ખાસ કરીને AMOLED ડિસ્પ્લેવાળા ફોનમાં 'ડાર્ક મોડ' (Dark Mode) વાપરવો જોઈએ. સૌથી મહત્વનું એ છે કે ફોનને વધારે પડતી ગરમી અને સીધા સૂર્યપ્રકાશથી દૂર રાખવો જેથી બેટરી હેલ્થ સચવાઈ રહે.