અગાઉના સેશનમાં કુવૈત પર ઇરાનના હુમલા અને હોર્મુઝની ખાડી નજીક અમેરિકી સૈન્ય કાર્યવાહીને કારણે તેલના ભાવમાં 2% નો ઉછાળો આવ્યો હતો, પરંતુ હવે સીઝફાયરના કારણે બજાર શાંત પડ્યું છે.

ક્રૂડ ઓઇલના લેટેસ્ટ રેટ્સ (Crude Oil Prices)

ગુરુવારે આંતરરાષ્ટ્રીય એક્સચેન્જ પર કાચા તેલના ભાવ(Crude Oil ) નીચે મુજબ ગગડ્યા હતા:

બ્રેન્ટ ક્રૂડ (Brent Crude): ઇન્ટરકોન્ટિનેન્ટલ એક્સચેન્જ (ICE) પર ઓગસ્ટ બ્રેન્ટ ક્રૂડનો વાયદો 1.17% (અથવા 67 સેન્ટ) ઘટીને $96.67 પ્રતિ બેરલ પર ટ્રેડ થઈ રહ્યો હતો.

ડબલ્યુટીઆઈ ક્રૂડ (WTI Crude): NYMEX પર જુલાઈ વેસ્ટ ટેક્સાસ ઇન્ટરમીડિએટ (WTI) નો વાયદો 1.06% (અથવા 62 સેન્ટ) ના ઘટાડા સાથે $95.00 પ્રતિ બેરલ પર આવી ગયો હતો.

ટ્રમ્પની યુદ્ધ શક્તિઓ પર રોક લગાવતો પ્રસ્તાવ પસાર?

અમેરિકાના રાજકારણમાં પણ આ યુદ્ધને લઈને મોટા અપડેટ સામે આવ્યા છે. વોશિંગ્ટનમાં રિપબ્લિકન નેતૃત્વવાળા હાઉસ ઓફ રિપ્રેઝન્ટેટિવ્સે (U.S. House) બુધવારે એક પ્રસ્તાવ પસાર કર્યો છે, જેનો હેતુ રાષ્ટ્રપતિ ડોનાલ્ડ ટ્રમ્પની ઇરાન સામે યુદ્ધ કરવાની સત્તાઓ પર અંકુશ લગાવવાનો છે. જોકે, આ પ્રસ્તાવને કાયદો બનાવવા માટે સેનેટની મંજૂરી અને ટ્રમ્પના સંભવિત વીટોને ફગાવવા માટે બંને ગૃહોમાં બે-તૃતીયાંશ બહુમતીની જરૂર પડશે.

બીજી તરફ, ડોનાલ્ડ ટ્રમ્પે સંકેત આપ્યો છે કે આગામી વીકેન્ડ (શનિ-રવિ) સુધીમાં ઇરાન સાથેની વાતચીતમાં કોઈ મોટી પ્રગતિ જોવા મળી શકે છે. ઇરાનના વિદેશ મંત્રી અબ્બાસ અરાગચીએ પણ પુષ્ટિ કરી છે કે વોશિંગ્ટન સાથેના સંપર્કો તૂટ્યા નથી અને બંને પક્ષો હાલમાં કરારના ડ્રાફ્ટનો અભ્યાસ કરી રહ્યા છે.

અમેરિકામાં ઓઇલ સ્ટોક ઘટ્યો, છતાં કિંમતો કેમ ઘટી?

યુએસ એનર્જી ઇન્ફોર્મેશન એડમિનિસ્ટ્રેશન (EIA) ના અહેવાલ મુજબ, 29 May ના રોજ પૂરા થયેલા સપ્તાહમાં અમેરિકાનો ક્રૂડ ઓઇલનો સ્ટોક 8 મિલિયન બેરલ ઘટીને 433.7 મિલિયન બેરલ થઈ ગયો છે. એનાલિસ્ટોએ માત્ર 4 મિલિયન બેરલના ઘટાડાની આશા રાખી હતી. સામાન્ય રીતે સ્ટોક ઘટે ત્યારે ભાવ વધે છે, પરંતુ અત્યારે ઇઝરાયલ-લેબેનોન સીઝફાયર અને ઇરાન સાથે શાંતિ વાર્તાલાપના સમાચાર એટલા મોટા છે કે સપ્લાયની ચિંતા દૂર થતાં જ ઓઇલ(Crude Oil ) માર્કેટમાં કડાકો જોવા મળ્યો છે.

ભારત પોતાની જરૂરિયાતનું મોટાભાગનું ક્રૂડ ઓઇલ (Crude Oil) આયાત કરે છે (જેને ઇન્ડિયન બાસ્કેટકહેવાય છે, જેમાં બ્રેન્ટ અને ઓમાન-દુબઈ ક્રૂડ સામેલ છે). વૈશ્વિક સ્તરે ભાવ ઘટવાથી આગામી દિવસોમાં ભારત સરકાર અને સામાન્ય જનતાને મોટી આર્થિક રાહત મળી શકે છે.

ક્રૂડ ઓઇલના ભાવમાં મોટો ઘટાડો, દેશમાં સતત 8મા દિવસે પેટ્રોલ-ડીઝલના ભાવ સ્થિર

આજે પેટ્રોલ-ડીઝલ ભાવ કોઈ ફેરફાર નહીં, મે મહિનામાં ₹7.50 પ્રતિ લિટર સુધીનો વધારો

ભારતમાં પ્લમ્બર અને ઇલેક્ટ્રિશિયનની ભારે અછત સર્જાશે? જાણો ગ્લોબલ બ્લુ કોલર રસનું અસલી કારણ