Monday, 21 Sep, 7.14 am Mantavya News

રાષ્ટ્રીય
મહારાષ્ટ્ર/ થાણેમાં ત્રણ માળની ઈમારત ધરાસાયી, 8 લોકોનાં થયા મોત

મહારાષ્ટ્રમાં એકવાર ફરી બિલ્ડિંગ ધરાશાયી થઇ હોવાની ઘટના પ્રકાશમાં આવી છે. મુંબઇને અડીને આવેલા થાણેનાં ભિવંડીમાં ત્રણ માળની બિલ્ડિંગ અચાનક ધરાશાયી થઈ ગઈ હતી. આ દુર્ઘટનામાં અત્યાર સુધીમાં 8 લોકોનાં મોત નીપજ્યાં છે. આ આંકડામાં વધારો થવાની સંભાવનાઓ છે.


બિલ્ડિંગનાં કાટમાળમાં 20 થી 25 લોકો ફસાયેલા હોવાની આશંકા છે, જ્યારે સ્થાનિક લોકોની મદદથી 20 લોકોને બહાર કાઠવામાં આવ્યા છે. તમામ ઇજાગ્રસ્તોને નજીકની હોસ્પિટલમાં દાખલ કરવામાં આવી રહ્યા છે. વળી, એનડીઆરએફની ટીમ ઘટના સ્થળે પહોંચી હતી અને રાહત કાર્યમાં લાગી ગઈ હતી. કાટમાળ નીચે લોકોને બહાર કાઠવાનું કામ કરવામાં આવી રહ્યું છે.


સોમવારે વહેલી સવારે અકસ્માત સર્જાયો હતો. જ્યારે દરેક સૂઈ ગયા હતા ત્યારે અચાનક ત્રણ માળની બિલ્ડિંગ ધરાશાયી થઇ હતી. આ અકસ્માતમાં 8 લોકોનાં મોત નીપજ્યાં છે. એનડીઆરએફ સાથે સ્થાનિકો રાહત કાર્યમાં જોડાયેલા છે. બચાવ ટીમે કાટમાળ નીચેથી એક બાળકને બચાવ્યો છે. બાળકને તાત્કાલિક હોસ્પિટલમાં દાખલ કરવામાં આવેલ છે.

Dailyhunt
Disclaimer: This story is auto-aggregated by a computer program and has not been created or edited by Dailyhunt. Publisher: Mantavya News Gujarati
Top