GPCBએ કોર્ટમાં રજૂઆત કરતા જણાવ્યું છે કે કંપની (Tata Chemicals Mithapur) દ્વારા અગાઉ જે રીતે પ્રદૂષિત પાણી છોડવામાં આવતું હતું તે પ્રક્રિયા હવે બંધ કરવામાં આવી છે. બોર્ડ દ્વારા સ્થળ નિરીક્ષણ બાદ આ બાબતનો સ્વીકાર કરવામાં આવ્યો છે.

Tata Chemicals Mithapur: કચ્છના અખાતમાં ટ્રીટેડ ઇફ્લ્યુએન્ટ છોડવાની રજૂઆત

સોગંદનામામાં જણાવાયું છે કે હાલ કંપની (Tata Chemicals Mithapur) દ્વારા ટ્રીટેડ ઇફ્લ્યુએન્ટ (શુદ્ધિકરણ બાદનું પાણી) કચ્છના અખાતમાં છોડવામાં આવી રહ્યું છે. આ પ્રક્રિયા પર્યાવરણ સંબંધિત નિયમો અને મંજૂરીઓના આધારે હાથ ધરવામાં આવી રહી હોવાનું રજૂ કરવામાં આવ્યું છે.પર્યાવરણ સુરક્ષા સાથે જોડાયેલા મુદ્દાઓને ધ્યાનમાં રાખીને કંપની (Tata Chemicals Mithapur) અને સંબંધિત તંત્ર દ્વારા વધુ સાવચેતીના પગલાં પણ લેવામાં આવી રહ્યા હોવાનું જણાવાયું છે.

ખુલ્લી નહેર કાયમી બંધ કરવાની કામગીરી શરૂ

મામલાની સુનાવણી દરમિયાન એક મહત્વપૂર્ણ મુદ્દો ખુલ્લી નહેરનો પણ રહ્યો હતો. GPCBએ કોર્ટને જાણ કરી છે કે જે નહેર મારફતે પાણી છોડવામાં આવતું હતું તેને કાયમી ધોરણે બંધ કરવાની કામગીરી શરૂ કરવામાં આવી છે.આ કામગીરી પૂર્ણ થયા બાદ ભવિષ્યમાં આવા પ્રકારની પર્યાવરણીય ચિંતાઓ ઉભી ન થાય તે માટે પણ પગલાં લેવામાં આવશે.

ચાર સપ્તાહ બાદ ફરી સુનાવણી

ગુજરાત હાઈકોર્ટે (Gujarat High Court) મામલાની આગામી સુનાવણી ચાર સપ્તાહ બાદ રાખી છે. આગામી સુનાવણી દરમિયાન GPCB અને અન્ય સંબંધિત પક્ષો દ્વારા કરવામાં આવેલી કાર્યવાહી અંગેનો વધુ વિગતવાર અહેવાલ કોર્ટ સમક્ષ રજૂ કરવામાં આવશે.પર્યાવરણ સાથે સંકળાયેલા આ કેસ પર સ્થાનિક લોકો, પર્યાવરણપ્રેમીઓ અને વિવિધ સંસ્થાઓની નજર છે. હવે આગામી સુનાવણીમાં કોર્ટ શું વધુ નિર્દેશ આપે છે તેના પર સૌની નજર રહેશે.