જોકે, ટૂર્નામેન્ટનું આયોજન કયા દેશમાં થશે તેની સત્તાવાર જાહેરાત હજુ કરવામાં આવી નથી.

ODI વર્લ્ડ કપ 2027 ક્વોલિફાયર (ODI World Cup 2027 Qualifier)માટેની તારીખોની જાહેરાત

2027નો ICC મેન્સ ODI વર્લ્ડ કપ ઓક્ટોબર-નવેમ્બર દરમિયાન દક્ષિણ આફ્રિકા, ઝિમ્બાબ્વે અને નામિબિયામાં સંયુક્ત રીતે યોજાશે. કુલ 14 ટીમો ભાગ લેશે, જેમાં કેટલીક ટીમો સીધી ક્વોલિફાય કરશે જ્યારે બાકીની ટીમો માટે ક્વોલિફાયર અંતિમ તક બનશે.

10 ટીમો વચ્ચે જંગ, માત્ર એકને મળશે સીધી એન્ટ્રી

અહેવાલો મુજબ ક્વોલિફાયર ટૂર્નામેન્ટમાં કુલ 10 ટીમો ભાગ લેશે. ટૂર્નામેન્ટ જીતનાર ટીમને સીધું જ વર્લ્ડ કપનું ટિકિટ મળશે.

બીજા, ત્રીજા અને ચોથા ક્રમે રહેનારી ટીમોને હજુ તક મળશે. આ ટીમો સુપર સિરીઝમાં રમશે, જે વર્લ્ડ કપ ક્વોલિફિકેશન પ્રક્રિયાનો મહત્વપૂર્ણ ભાગ હશે.

કઈ ટીમો રમશે ક્વોલિફાયર?

ક્વોલિફાયર માટે કુલ 10 ટીમોની પસંદગી થશે, જેમાં સામેલ રહેશે:

• ICC ODI રેન્કિંગમાં સૌથી નીચે રહેલી બે ફુલ મેમ્બર ટીમો
• ICC ક્રિકેટ વર્લ્ડ કપ લીગ-2માંથી ક્વોલિફાય થયેલી ચાર ટીમો
• વર્લ્ડ કપ ક્વોલિફાયર પ્લેઓફમાંથી આવનારી ચાર ટીમો

પ્લેઓફમાં લીગ-2ની છેલ્લી ચાર ટીમો અને ચેલેન્જ લીગમાંથી ક્વોલિફાય થયેલી ચાર ટીમો વચ્ચે મુકાબલો થશે.

14 ટીમો સાથે રમાશે વર્લ્ડ કપ

2027ના ODI વર્લ્ડ કપમાં કુલ 14 ટીમો ભાગ લેશે. મેચો દક્ષિણ આફ્રિકા, ઝિમ્બાબ્વે અને નામિબિયાના 12 સ્ટેડિયમોમાં રમાશે.

ક્વોલિફિકેશનનું ફોર્મેટ આ પ્રમાણે રહેશે:

• ટોચની 8 રેન્કિંગ ધરાવતી ટીમો સીધી ક્વોલિફાય કરશે.
• સહ-યજમાન દક્ષિણ આફ્રિકા અને ઝિમ્બાબ્વેને સીધી એન્ટ્રી મળશે.
• બાકીની જગ્યાઓ ક્વોલિફાયર અને સુપર સિરીઝ દ્વારા ભરાશે.

વેસ્ટ ઈન્ડિઝ પર રહેશે ખાસ નજર

બે વખતની વિશ્વ ચેમ્પિયન વેસ્ટ ઈન્ડિઝ (West Indies)હાલમાં ICC ODI રેન્કિંગમાં 10મા ક્રમે છે. હાલની સ્થિતિમાં ટીમની સીધી ક્વોલિફિકેશન નિશ્ચિત નથી.

ICCના નિયમો અનુસાર 30 સપ્ટેમ્બર, 2026 સુધીની ODI રેન્કિંગના આધારે સીધી ક્વોલિફાય થનારી ટીમો નક્કી થશે. તેથી વેસ્ટ ઈન્ડિઝ પાસે હજુ પણ પોતાની સ્થિતિ સુધારવાની તક છે.

આયર્લેન્ડ સામેની રેસ બનશે નિર્ણાયક

વેસ્ટ ઈન્ડિઝે 30 સપ્ટેમ્બર પહેલાં હજુ બે ODI મેચ રમવાની બાકી છે. બીજી તરફ આયર્લેન્ડ હાલમાં અફઘાનિસ્તાન સામે પાંચ મેચોની ODI શ્રેણી રમી રહ્યું છે.

જો અફઘાનિસ્તાન શ્રેણી જીતશે તો વેસ્ટ ઈન્ડિઝ માટે સીધી ક્વોલિફિકેશનનો રસ્તો સરળ બનશે. પરંતુ જો આયર્લેન્ડ 4-1 અથવા 5-0થી શ્રેણી જીતશે તો વેસ્ટ ઈન્ડિઝ પર દબાણ વધી શકે છે અને બાકીની બંને મેચ જીતવી જરૂરી બની શકે છે.

હાઈ-વોલ્ટેજ ટૂર્નામેન્ટ બનશે ક્વોલિફાયર

ODI વર્લ્ડ કપમાં સ્થાન મેળવવા માટેનો આ ક્વોલિફાયર અનેક ટીમો માટે ‘કરો અથવા મરો’ જેવી સ્થિતિ સર્જશે. ફુલ મેમ્બર દેશો ઉપરાંત એસોસિયેટ દેશો પણ વિશ્વ ક્રિકેટના સૌથી મોટા મંચ સુધી પહોંચવા માટે પૂરો જોર લગાવશે.

દરેક મેચનું પરિણામ સીધું વર્લ્ડ કપની તસવીર બદલવાની ક્ષમતા ધરાવશે, જેના કારણે સમગ્ર ટૂર્નામેન્ટમાં ભારે રોમાંચ જોવા મળશે.

હવે ICCની સત્તાવાર જાહેરાતની રાહ

ICCએ ક્વોલિફાયરની તારીખો જાહેર કરી દીધી છે, પરંતુ યજમાન દેશ અને સંપૂર્ણ મેચ શેડ્યૂલની જાહેરાત હજુ બાકી છે. ક્રિકેટપ્રેમીઓ હવે વેન્યૂ અને અંતિમ ટીમોની યાદીની આતુરતાથી રાહ જોઈ રહ્યા છે.

આ પણ વાંચે :'જો હું ન રમું તો ડ્રોપ કરી દો': મોહમ્મદ કૈફનો ચોંકાવનારો દાવો!

આ પણ વાંચે :GCG 2026 બાદ પાકિસ્તાની બોક્સર ગાયબ,પાસપોર્ટ વિના હોટલમાંથી થયા લાપતા

આ પણ વાંચે :પાકિસ્તાનને ધૂળ ચટાડી ઇન્ડિયન રોયલ્સ પોઈન્ટ્સ ટેબલમાં બન્યું નંબર-1