Friday, 26 Feb, 4.37 pm Mantavya News

બિઝનેસ
ટેક્સ નહીં પરંતુ આ કારણે વધી રહ્યા છે પેટ્રોલ- ડીઝલના ભાવ, પેટ્રોલિયમ મંત્રીએ જણાવ્યું મોટું કારણ

આ દિવસોમાં પેટ્રોલ ડીઝલના ભાવ આસમાનને પહોંતી ગયા છે. ઘણા રાજ્યોમાં પેટ્રોલની કિંમત પ્રતિ લીટર 100 રૂપિયા પર પહોંચી ગઈ છે. ડીઝલ લગભગ 85 રૂપિયા લિટરમાં વેચાઇ રહ્યું છે. જેના માટે વિપક્ષ સરકાર પર જોરદાર નિશાન તાકી રહ્યા છે.

કેન્દ્રીય પેટ્રોલિયમ પ્રધાન ધર્મેન્દ્ર પ્રધાને દેશમાં પેટ્રોલ અને ડીઝલની વધતી કિંમતો અંગે મોટું નિવેદન આપ્યું છે. કેન્દ્રીય પેટ્રોલિયમ મંત્રીએ કહ્યું કે તેલ ઉત્પાદક દેશો દ્વારા ક્રૂડ ઓઇલના વધતા ભાવને કારણે દેશમાં પેટ્રોલિયમ પેદાશો મોંઘી થઈ રહી છે. તેમના દેશના હિતમાં વધુ નફો મેળવવા માટે ક્રૂડ ઓઇલના ભાવમાં વધારો કરી રહ્યા છે.

તેમણે કહ્યું કે ક્રૂડ ઓઇલ સપ્લાય કરનારા દેશોને ક્રૂડ ઓઇલના ભાવમાં વધારો ન કરવા વિનંતી કરવામાં આવી છે કારણ કે તેની અસર સીધી ગ્રાહક પર પડે છે. તેઓએ કહ્યું કે તેઓ તેમને તેમના દેશના હિતમાં વધારી રહ્યા છે.

પ્રધાને તેલ ઉત્પાદક દેશોના સંદર્ભમાં કહ્યું હતું કે, તમે કિંમતોમાં વધારો કરી શકતા નથી કારણ કે તેની અસર આયાત કરનારા દેશોને પડી શકે છે. ખરાબ હવામાનને કારણે યુએસમાં છેલ્લા બે-ત્રણ અઠવાડિયામાં ઉત્પાદન ધીમું થયું છે. મંત્રીએ કહ્યું કે તેઓ થોડા દિવસોમાં સ્થિતિ સુધારવાની આશા રાખે છે.

માર્ચમાં આવતા તહેવારને લઇને આટલા દિવસ બેંક રહેશે બંધ, ફટાફટ પતાવી લો મહત્વના કામ.

કેન્દ્રીય મંત્રીએ કહ્યું, હવે સરકાર સામે મૂળ સમસ્યા રાહત, રોજગાર, નોકરી બચાવવાની છે. લોકોએ પૈસા અને આરોગ્ય સેવાઓ સુધરે તેવો પ્રયાસ કરવો જોઇએ. તેમણે કહ્યું કે સરકારે 35,000 કરોડનું રોકાણ કરી ગરીબ વરિષ્ઠ નાગરિકોને નિ શુલ્ક રસી આપવાની યોજના બનાવી છે.

તમને જણાવી દઈએ કે ધર્મેન્દ્ર પ્રધાને થોડા દિવસો પહેલા કહ્યું હતું કે તેમનું મંત્રાલય સતત જીએસટી કાઉન્સિલથી પેટ્રોલિયમ પેદાશોને તેના કાર્યક્ષેત્રમાં સમાવવા અનુરોધ કરે છે, કેમ કે તેનાથી લોકોને ફાયદો થશે. નાણાં પ્રધાન નિર્મલા સીતારામને પણ આવા જ કેટલાક સંકેતો આપ્યા છે. જો જીએસટી કાઉન્સિલ પેટ્રોલિયમ મંત્રીના સૂચનોનો અમલ કરશે તો દેશમાં પેટ્રોલ અને ડીઝલના ભાવ અડધા થઈ જશે.

Dailyhunt
Disclaimer: This story is auto-aggregated by a computer program and has not been created or edited by Dailyhunt. Publisher: Mantavya News Gujarati
Top