"નવી પોલિસીનું વચન હજુ અધૂરું"

પાલ આંબલિયા (Pal Ambaliya)ના જણાવ્યા મુજબ, સરકાર ડિસેમ્બર-2025થી વીજ લાઈન માટે લાંબા ગાળાની પોલિસી બનાવવાની વાત કરી રહી છે, પરંતુ હજુ સુધી કોઈ સત્તાવાર પોલિસી જાહેર કરવામાં આવી નથી. તેમણે યાદ અપાવ્યું કે માર્ચ-2026માં ઊર્જા મંત્રીએ પણ ટૂંક સમયમાં નવી પોલિસી જાહેર કરવાની ખાતરી આપી હતી. તેમ છતાં, ઘણા મહિના વીતી ગયા બાદ પણ ખેડૂતો માટે કોઈ સ્પષ્ટ નિર્ણય લેવામાં આવ્યો નથી.

"પહેલા પોલિસી બનાવો, પછી કામ શરૂ કરો"

કિસાન કોંગ્રેસે માંગ કરી છે કે રાજ્યભરમાં વીજ કંપનીઓ દ્વારા ચાલી રહેલા વીજ લાઈનના કામો તાત્કાલિક સ્થગિત કરવામાં આવે. ખેડૂતોના હિતોને ધ્યાનમાં રાખીને નવી વળતર પોલિસી જાહેર કરવામાં આવે અને ત્યારબાદ જ નવા પ્રોજેક્ટનું કામ શરૂ કરવામાં આવે.

"ઉદ્યોગો માટે ઝડપ, ખેડૂતો માટે વિલંબ": Pal Ambaliya

પાલ આંબલિયા(Pal Ambaliya)એ સરકાર પર આરોપ લગાવ્યો કે ઉદ્યોગકારોને લગતી નીતિઓ ઝડપથી જાહેર કરવામાં આવે છે, પરંતુ ખેડૂતોને અસર કરતા મુદ્દાઓ પર લાંબા સમય સુધી નિર્ણય લેવામાં વિલંબ થાય છે. તેમના મતે આ જ કારણસર ખેડૂતોમાં અસંતોષ વધી રહ્યો છે.

સરકારના નિર્ણય પર સૌની નજર

વીજ લાઈન વળતર મુદ્દે સરકાર અને ખેડૂતો વચ્ચેનો વિવાદ હજુ યથાવત છે. હવે સરકાર નવી પોલિસી જાહેર કરે છે કે હાલની વ્યવસ્થા જ ચાલુ રાખે છે, તેના પર ખેડૂતો અને રાજકીય વર્તુળોની નજર છે.