હળવદ તાલુકાના ભલગામડા ગામે રહેતા સિંધાભાઈ દેવજીભાઈ દેત્રોજા (65) એ અજાણ્યા શખ્સની સામે હળવદ તાલુકા પોલીસ સ્ટેશન ખાતે ચોરીની ફરિયાદ નોંધાવેલ છે જેમાં જણાવ્યું છે કે તા. 4/8 ના રોજ રાત્રિના બે વાગ્યાથી લઈને સવારના સાડા ચાર વાગ્યા સુધીના સમયગાળા દરમિયાન કોઈપણ સમયે અજાણ્યા શખ્સ દ્વારા ફરિયાદીના ઘરની અંદર ઘૂસીને લાકડાની તિજોરીનો દરવાજો કોઈપણ રીતે ખોલીને તેમાંથી સોનાના દાગીના જેમાં સોનાનો એક હાર, સોનાનું હાથમાં પહેરવાનું એક લોકેટ, ઓમ લખેલા ત્રણ નંગ તથા એક સોનાની વીંટી જેનું કુલ વજન આશરે ચાર તોલા જેટલું થાય છે અને કુલ કિંમત 1.20 લાખ રૂપિયા થાય છે તે સોનાના દાગીના તથા ચાંદીના પગમાં પહેરવાના ઝાંઝરા એક જોડી, ચાંદીની સાકડા એક જોડી, કેડમાં પહેરવાનો એક કંદોરો, નાના છોકરાની પગમાં પહેરવાની કડલીઓ અને સાંકડા સાત નંગ આમ 500 ગ્રામ જેટલું ચાંદી જેની કુલ કિંમત 50,000 તથા 80,000 રૂપિયા રોકડા આમ કુલ મળીને 2,50,000 ની કિંમતના મુદ્દામાલની ચોરી કરવામાં આવેલ છે જેથી ભોગ બનેલા વૃદ્ધે નોધાવેલ ફરિયાદ આધારે પોલીસે અજાણ્યા શખ્સની સામે ગુનો નોંધીને આરોપીને પકડવા માટે તજવીજ શરૂ કરેલ છે

અકસ્માતમાં ઇજા

મોરબીના નવી પીપળી ગામ પાસે અકસ્માતનો બનાવ બન્યો હતો જેમાં અબ્દુલ ઈકબાલ (24),બિલાલ ગફૂર (30)અને હકીમ માલુ (54)નામના ત્રણ વ્યક્તિઓને ઈજા થઈ હતી જેથી તેઓને સારવાર માટે હોસ્પિટલે લઈને આવ્યા હતા ત્યારબાદ આ બનાવની મોરબી તાલુકા પોલીસ સ્ટેશન ખાતે જાણ કરતા પોલીસે બનાવની નોંધ કરી આગળની કાર્યવાહી હાથ ધરી હતી.