લાયન્સ કલબ ઓફ મોરબી સીટી દ્વારા શૈક્ષણિક અને હંગર પ્રોજેક્ટ

લાયન્સ કલબ ઓફ મોરબી સીટી દ્વારા વર્ષ ૨૦૨૫-૨૬ ના લાઈઝમના અંતિમ દિવસે પ્રમુખ હરખજીભાઈ સુવારિયાનો કાર્યકાળ પૂરો થતા તેમના સન્માનમાં લાયન્સનગર(ગોકુળ) પ્રાથમિક શાળાના આચાર્ય અને તમામ સ્ટાફને પુસ્તક રૂપે સન્માનીય ભેટ પ્રમુખ હરખજીભાઈ સુવારિયાએ આપેલ. પ્રોજેક્ટમાં હાજર લાયન સભ્યો ઝેડસી અને મંત્રી કેશુભાઈ દેત્રોજા, પુર્વ પ્રમુખ ટી.સી.ફુલતરિયા, અમરશીભાઈ અમૃતિયા, ખજાનચી ચંદુભાઈ કુંડારિયા અને પુર્વ ખજાનચી મણીલાલ કાવરને પણ પુસ્તક આપવામાં આવ્યુ હતુ.ત્યાર બાદ ધોરણ ૫ થી ૮ ના વિધાર્થી ભાઈઓ-બહેનોના શૈક્ષણિક વિકાસ માટે અલગ અલગ વિષયો પર વક્તૃત્વ સ્પર્ધા કરવામાં આવી હતી.જેમાં પ્રથમ, દ્વિતીય અને તૃતીય નંબર લાવનારા વિધાર્થીઓને લાયન્સ કલબ ઓફ મોરબી સીટીના તમામ ઉપરોક્ત હાજર સભ્યોના હસ્તે પ્રોત્સાહિત ઇનામો આપવામાં આવ્યા અને શાળાના તમામ ૨૫૫ વિધાર્થીઓને લાયન્સ કલબ ઓફ મોરબી સીટી દ્વારા બોલપેન આપવામાં આવી હતી.