તાજેતરમાં ટંકારા નજીક સ્કૂલ બસમાં આગ લાગી હતી અગાઉ પણ મોરબી જીલ્લામાં સ્કૂલ વાહનોના અકસ્માતના બનતા રહે છે અને વિદ્યાર્થીઓના જીવ જોખમમાં મુકાઈ જતા હોય છે સ્કૂલ બસના ચાલકોની બેદરકારીથી બાળકોના જીવ જોખમમાં મુકાઈ જતા હોય છે જેમાં આજે નિર્મલ વિધાલયની સ્કૂલ વાન અને મોપેડ અથડાતા અકસ્માત સર્જાયો હતો
શનાળા બાયપાસ નજીક મોરબી નિર્મલ વિધાલયની સ્કૂલ વાન અને મોપેડ અથડાયા હતા જેને પગલે થોડીવાર ટ્રાફિકજામની સ્થિતિ સર્જાઈ હતી મોપેડ ચાલકને ઈજા પહોંચતા ૧૦૮ એમ્બ્યુલન્સ મારફત હોસ્પિટલ ખસેડાયો હતો અકસ્માતમાં સદનસીબે નિર્મલ વિધાલયની સ્કૂલ વાનમાં સવાર વિદ્યાર્થીઓ સલામત જોવા મળ્યા હતા વિદ્યાર્થીઓને કોઈ ઈજા પહોંચી ના હતી જેથી સૌ કોઈએ રાહતનો શ્વાસ લીધો હતો