નવગુજરાત સમય, પાલનપુર

ગંભીરા પૂલ દુર્ઘટનાને લઇ બનાસકાંઠા જિલ્લા કલેક્ટર દ્વારા રતનપુર-મેરવાડાના જર્જરિત બ્રિજનું સ્થળ નિરીક્ષણ કરાયું હતું. તેમજ આ બ્રિજ પ્રાથમિક દૃષ્ટિએ ક્રિટીકલ હાલતમાં નથી તથા ડિઝાઇન સર્કલની ટીમ દ્વારા વિશેષ ટેકનિકલ ઓડિટ કર્યા બાદ આગળની કાર્યવાહી હાથ ધરાશે તેમ કલેક્ટરે જણાવ્યું હતું.

તાજેતરમાં સર્જાયેલી ગંભીરા પૂલ દુર્ઘટનાને ધ્યાને લઇને મુખ્યમંત્રી ભુપેન્દ્રભાઇ પટેલના દિશા નિર્દેશો હેઠળ બનાસકાંઠા જિલ્લા કલેક્ટર મિહિર પટેલ દ્વારા જિલ્લામાં અલગ-અલગ ટીમો બનાવી બનાસકાંઠામાં માર્ગ અને મકાન વિભાગ સ્ટેટના અંદાજે 47, પંચાયત વિભાગના 28 તથા રેલવેના 24 સહિત નાના મોટા કુલ 149 બ્રિજના સ્થળ નિરીક્ષણ અને સેફટી ઓડિટ હાથ ધરી હતી.