Sunday, 24 Jan, 9.24 pm નવગુજરાત સમય

અન્ય શહેરો - ગુજરાત
બલેશ્વર મુકામે આવેલી દરગાહની વકફ જમીન પર થતા હુમલા અટકાવવા માટે ગુજરાત રાજ્ય પોલીસ વડાને ફરિયાદ

નવગુજરાત સમય ,બારડોલી:
સુરત જિલ્લાના પલસાણા તાલુકાના બલેશ્વર મુકામે આવેલી બ્લોક નંબર 320 વાળી પીર નસરુદ્દીન દરગાહની વકફ જમીન તેમજ અન્ય દરગાહો પર થતા હુમલા અટકાવવા માટે ગુજરાત રાજ્ય પોલીસ વડાને લેખિતમાં ફરિયાદ કરવામાં આવી છે.

પીર નસીરુદ્દીન દરગાહના ખાદીમો બસીર અબ્બાસ શેખ, સઈદ ખાન દાઉદખાન પઠાણ સહિતના ખાદીમોએ સામાવાળા મુસાજી સુલેમાન પટેલ અને અન્ય 15 થી 20 ઇસમોના ટોળા સામે લેખિતમાં ફરિયાદ કરી છે. ફરિયાદમાં જણાવ્યા અનુસાર આ દરગાહની વકફ જમીનને ખોટા રેકર્ડ બનાવી મુસાજી અને અન્ય ઇસમો દ્વારા પોતાનો દસ્તાવેજ કરી લઈ અન્ય ઇસમોને આ દરગાહની વેચાણ કરી દીધેલ છે. આ જમીનમાં દેવ સ્થાન આવેલું છે. જેને તોડી નાખી જમીન પર કબજો કરવા સામાવાળા દ્વારા વારંવાર ખાદીમોને ધમકી આપવામાં આવી રહી છે. જમીન અમે વેચાણથી લીધી છે તમે અહીંથી જતા રહો આ દરગાહની માલિકી અમારી છે અને એ તોડી નાખવાના છે. એમ કહી વારંવાર ધમકી આપવામાં આવે છે.

થોડા દિવસ પહેલા 15 થી 20 લોકોને મોકલી ધમકી આપવામાં આવી હતી. આથી ખાદીમોએ જમીન મુદ્દે લેન્ડ ગ્રેબિંગ એક્ટ મુજબ જિલ્લા કલેકટરને રજુઆત પણ કરવામાં આવી છે. બીજી તરફ વારંવાર ધમકીને પગલે ખાદીમો અને દરગાહને નુકસાન પહોંચાડે તે પહેલાં સામા વિરુદ્ધ કાર્યવાહી કરવાની માંગ સાથે રાજ્ય પોલીસ વડાને ફરિયાદ કરવામાં આવી છે.

Dailyhunt
Disclaimer: This story is auto-aggregated by a computer program and has not been created or edited by Dailyhunt. Publisher: Navgujarat Samay
Top