Saturday, 11 Jul, 5.10 pm નવગુજરાત સમય

હોમ પેજ
ચીને કોરોના વાયરસને દુનિયાથી છુપાવ્યો, હોંગકોંગથી ભાગેલી વાયરોલોજીસ્ટનો ખુલાસો

જીવના જોખમે હોંગકોંગ છોડી અમેરિકાની શરણે આવી

એજન્સી, વોશિંગટન

કોરોના વાયરસના ઉદભવ અને એના ફેલાવાની હકીકતને છુપાવનારુ ચીન હવે આખી દુનિયા સામે ખુલ્લુ પડી ગયુ છે. હોંગકોંગની જીવ બચાવીને ભાગનાર એક વિજ્ઞાનીકે અમેરિકાની શરણ લીધી છે. જેણે આ અંગેનો ખુલાસો કર્યો હતો કે કોરોના વાયરસને લઇને ચીન પાસે પહેલેથી જ માહિતી હતી, પરંતુ વિશ્વ સમક્ષ તેને રજૂ કરવામાં સમય લીધો. વિજ્ઞાનીકે દાવો કર્યો હતો કે ચીન સરકારે આ કામ ઉચ્ચસ્તરીય રીતે અંજામ આપ્યુ હતું.

હોંગકોંગ સ્કુલ ઓફ પબ્લિક હેલ્થમાં વાયરોલોજી અને ઇમ્યૂનોલોજીની વિજ્ઞાની લિ-મેંગ યાને શુક્રવારે મીડિયા સામે ચીનનો ભાંડો ફોડ્યો હતો. તેણે જણાવ્યુ કે મહામારીની શરુઆતમાં જ તેમના રિસર્ચની એવા લોકોએ અવગણના કરી હતી જેઓ આ ક્ષેત્રે વિશ્વસ્તરીય નિષ્ણાંતો છે. તેનુ માનવુ હતું કે આ મહામારી સામે લોકોને બચાવી શકાય એમ હતું.

યાનનુ કહેવુ છે કે તે કોવિડ-19 પર રિસર્ચ કરનાર વિશ્વના પહેલા કેટલાક વિજ્ઞાનીઓ પૈકી એક છે. તેણે દાવો કર્યો હતો કે ચીનની સરકારે વિદેશી અને હોંગકોંગના વિજ્ઞાનીઓને રિસર્ચમાં સામેલ કરવાથી ઇનકાર કર્યો હતો.

રિસર્ચના લીધે હોંગકોંગમાં યાન પર મુસીબત આવી પડી હતી, તેણીનું માનવુ હતું કે તે હોંગકોંગ પકડાઇ જતી તો જેલ ભેગી કરી દેવાતી અથવા ગુમ કરી દેવાતી. યાન હોંગકોંગમાં પોતાનું સર્વસ્વ છોડીને માત્ર પાસપોર્ટ અને પર્સ સાથે અમેરિકાની શરણે આવી છે.

Dailyhunt
Disclaimer: This story is auto-aggregated by a computer program and has not been created or edited by Dailyhunt. Publisher: Navgujarat Samay
Top