મીટરોને મોટા ખોખા અને પ્લાસ્ટિકની મીની થેલીઓમાં ઠાંસી-ઠાંસીને ભરેલા જોવા મળ્યા.

આ મામલે સ્થળ પર હાજર કોન્ટ્રાક્ટ કંપનીના લોકોએ કહ્યું કે, અમે કોન્ટ્રાક્ટનું કામ કરીએ છીએ. અમારી મરજી મુજબ ગમે ત્યાં મૂકી શકીએ અને ગમે ત્યારે જમા કરાવી શકીએ. એમાં કંઈ ખોટું નથી.

આ અંગે શિનોર MGVCLના ડે. એન્જિનિયર કૃણાલસિંઘને પૂછતાં તેમણે સ્પષ્ટ કહ્યું કે, આટલી મોટી માત્રામાં જૂના મીટરનો સંગ્રહ કરી શકાતો નથી. મર્યાદિત સંખ્યામાં અને સમય મર્યાદામાં કચેરીએ જમા કરાવવાના હોય છે. બદલાયેલા જૂના મીટર તાબાની કચેરીએ જમા કરવા પડે. કચેરીની જાણ બહાર ખાનગી જગ્યાએ સંગ્રહ કરવો ખોટું છે.

1300 મીટરનો આટલો મોટો જથ્થો ડભોઈમાં ખાનગી ગોડાઉનમાં કેમ રાખવામાં આવ્યો? કોન્ટ્રાક્ટ કંપનીનો આ પાછળનો ઉદ્દેશ શું છે? આટલા દિવસથી આ મીટર લાગતી-વળગતી કચેરીમાં કેમ જમા કરાવવામાં આવ્યા નથી? શિનોર MGVCLની સીધી દેખરેખ હેઠળ કામ ચાલતું હોય તો અધિકારીઓએ પોતાની ફરજમાં બેદરકારી કેમ રાખી? વગેરે સવાલો ઉભા થયા છે.

આ ઘટનાથી શિનોર MGVCL કચેરીની સમગ્ર કામગીરી જ શંકાના દાયરામાં આવી ગઈ છે. જૂના મીટરના ખાનગી સંગ્રહ પાછળ કોઈ ગેરરીતિ છે કે કેમ તે અંગે હવે તપાસની માંગ ઉઠી છે.