Wednesday, 05 Aug, 12.23 am નવગુજરાત સમય

અન્ય શહેરો - ગુજરાત
ગુજરાત વિદ્યાપીઠની વિદ્યાર્થીનીઓએ સુરત સિવિલમાં કોરોનાના દર્દીઓને સુરક્ષાકવચ રૂપે રાખડી બાંધી રક્ષાબંધન ઉજવી

નવગુજરાત સમય, સુરત
સુરતની સિવિલ હોસ્પિટલના કોવિડ વોર્ડમાં આજે લાગણીસભર દ્શ્યો સર્જાયા હતા. ગુજરાત વિદ્યાપીઠ, અમદાવાદના એમ.એસ. ડબલ્યુમાં અભ્યાસ કરતાં 15 વિદ્યાર્થીઓનું ગ્રુપ હાલ સિવિલ હોસ્પિટલમાં કાઉન્સેલર તરીકે સેવા માટે આવ્યું હતું. તેઓએ કોવિડ હોસ્પિટલમાં સારવાર મેળવી રહેલા દર્દીઓના હાથે રક્ષાસૂત્ર બાંધી રક્ષાબંધનની ઉજવણી કરી આત્મિયતા દાખવી હતી. એટલું જ નહિં તેમની સગા બહેનો સાથે વિડિયો કોલથી વાતચીત કરાવતા દર્દીઓ ગદગદીત થઈ ગયા હતા.
આ વિદ્યાર્થીનીઓએ કોરોનાના દર્દીઓને એકલતા ન લાગે તે માટે અમે જ પણ તમારાં બહેનો જ છીએ, જરાય ચિંતા ન કરશો, હિંમત રાખશો એટલે જલદી સારાં થઈ જશો તેવો સૌને સધિયારો આપ્યો હતો. ગુજરાત વિદ્યાપીઠથી આવેલા આ વિદ્યાર્થીઓ હાલ કોવિડ હોસ્પિટલના હેલ્પ ડેસ્ક ખાતે 24 કલાક માટે કાઉન્સેલિંગ અને દર્દીઓના પરિવારજનોની મદદ માટે કાર્યરત છે.
રાખડી સાથે દર્દીઓને માસ્ક પણ આપીને સૌએ દર્દીભાઈઓને જલદી સ્વસ્થ થઈ જવાન કામના કરી હતી, સાથે -સાથે સારવાર બાદ સારા થઈને ઘરે ગયા બાદ કોરોનાની આ સ્થિતિમાં કાયમ માસ્ક અને સોશિયલ ડિસ્ટન્સ જેવા નિયમોનું પાલન કરવાનું વચન પણ ભાઈઓ પાસેથી લીધું હતું.

નર્સિંગ બહેનો અને મહિલા તબીબોએ પણ રાખડી બાંધી
આ ઉપરાંત સિવિલની નર્સિંગ બહેનો અને મહિલા તબીબોએ પણ બહેનોની ભૂમિકા નિભાવી હતી. છેલ્લાં દિવસોથી કોરોનાના દર્દીઓની સારવાર કરી રહેલા નર્સિંગ અને તબીબી સ્ટાફના મહિલાઓએ દર્દીઓનું રક્ષાકવચ બનીને રક્ષણ કરવાના કોલ આપ્યો હતો. સૌને રાખડી બાંધી તમામને વિડિયો કોલથી બહેનો સાથે વાતચીત કરાવી હતી. જેના પગલે સિવિલ હોસ્પિટલના કોવિડ વોર્ડમાં ખુબ જ લાગણીસભર દ્શ્યો સર્જાયા હતા.

Dailyhunt
Disclaimer: This story is auto-aggregated by a computer program and has not been created or edited by Dailyhunt. Publisher: Navgujarat Samay
Top