Thursday, 22 Oct, 8.45 am નવગુજરાત સમય

આંતરરાષ્ટ્રીય
વેક્સિનથી થોડી રાહત થશે પણ કોરોના ક્યારેય ખતમ નહીં થાય: બ્રિટિશ વિજ્ઞાની

એજન્સી > લંડન

કોરોના વાયરસ બીમારીને લઈને બ્રિટનના ટોપ વૈજ્ઞાનિક સલાહકારના દાવાથી લોકોની ચિંતા વધી ગઈ છે. કોરોના મહામારી માટે રચિત બ્રિટિશ સરકારની સલાહકાર સમિતિના એક ટોપના વૈજ્ઞાનિકે કહ્યું કે કોરોના વાયરસને ક્યારેય ખત્મ કરી શકાશે નહીં. કોરોના હંમેશા લોકોની વચ્ચે રહેશે. વૈજ્ઞાનિકે એમ પણ કહ્યું કે એક વેક્સીન વર્તમાન સ્થિતિને થોડીક સારી બનાવવામાં મદદ જરુર કરશે.

બ્રિટિશ સરકારની સાયન્ટિફિક એડવાઈઝરી ગ્રુપ ઓફ ઈમરજન્સીના એક સભ્ય જોન એડમંડ્સે સાંસદોને સંબોધન કરતા કહ્યું કે આપણે કાયમ માટે વાયરસ સાથે રહેવાના છીએ. એ બાબતની ખૂબ ઓછી શક્યતા છે કે તેનો નાશ થશે. તેમણે એમ પણ કહ્યુ કે આપણે શિયાળાના અંત સુધી કોરોના વાયરસની કોઈ પણ વેક્સીન જરુર બનાવી લઈશું, જેનાથી આપણને કોરોના સામે લડવામાં મદદ મળી રહેશે.

યૂરોપના અન્ય દેશોની જેમ બ્રિટન પણ કોરોના વાયરસની દ્વિતીય લહેરની ચપેટમાં છે. દેશમાં લાગેલાં કેટલાય પ્રતિબંધો છતાં મંગળવારે બ્રિટનમાં કોરોના વાયરસના 21000થી વધુ કેસ નોંધાયા છે. બ્રિટનમાં ચેપગ્રસ્ત લોકોની સંખ્યા લોકડાઉન છતાં ઝડપથી વધી રહી છે.

બ્રિટિશ વૈજ્ઞાનિકે એમ પણ કહ્યું કે આપણને વેક્સીનથી કેટલીક મદદ મળી શકે છે તો તેનો ચોક્કસ પણે ઉપયોગ કરવો જોઈએ. આપણે કોઈ પણ સંજોગોમાં કોરોના ચેપના કેસો જેટલો ઓછો રહે એટલા પ્રયાસ કરવા જોઈએ. એ દિવસો હવે દૂર નથી જ્યારે આપણે વેક્સીન બનાવી લઈશું. અહીંયા નોંધનીય છે કે, કોરોના વાયરસની વેક્સીન બનાવવાના પ્રયાસોમાં બ્રિટન સૌથી આગળ છે.

Dailyhunt
Disclaimer: This story is auto-aggregated by a computer program and has not been created or edited by Dailyhunt. Publisher: Navgujarat Samay
Top