ભારતીય મહિલા ટીમ વિરુદ્ધ મલેશિયા (142 રનથી જીત)

3 જૂન 2018ના રોજ કુઆલાલંપુરમાં રમાયેલી એશિયા કપ T20ની મેચમાં ભારતીય મહિલા ટીમે પ્રથમ બેટિંગ કરતાં 169 રન બનાવ્યા. જવાબમાં ભારતીય બોલરોએ શાનદાર પ્રદર્શન કરતાં મલેશિયાની ટીમને માત્ર 27 રન પર સમેટી દીધી અને 142 રનના વિશાળ અંતરથી ઐતિહાસિક જીત નોંધાવી.

ભારતીય મહિલા ટીમ વિરુદ્ધ હોંગકોંગ (142 રનથી જીત)

26 ઓક્ટોબર 2012ના રોજ ગ્વાંગઝૂમાં રમાયેલી T20 મેચમાં ભારતીય મહિલા ટીમે બેટ અને બોલ બંનેથી ધમાકેદાર રમત દર્શાવી. ભારતે 166 રનનો લક્ષ્‍યાંક આપ્યા બાદ હોંગકોંગની ટીમને માત્ર 24 રન પર ઓલઆઉટ કરી દીધી અને 142 રનથી મેચ પોતાના નામે કરી.

ભારતીય મહિલા ટીમ વિરુદ્ધ UAE (104 રનથી જીત)

4 ઓક્ટોબર 2022ના રોજ સિલહટમાં રમાયેલી મેચમાં ભારતીય મહિલા ટીમે પ્રથમ બેટિંગ કરતાં 5 વિકેટે 178 રન બનાવ્યા. 179 રનના વિશાળ લક્ષ્‍યાંકનો પીછો કરવા ઉતરેલી UAEની ટીમ નિર્ધારિત 20 ઓવરમાં 4 વિકેટ ગુમાવીને માત્ર 74 રન જ બનાવી શકી, જેના કારણે ભારતે 104 રનની મોટી જીત મેળવી.

ભારતીય પુરુષ ટીમ વિરુદ્ધ અફઘાનિસ્તાન (101 રનથી જીત)

8 સપ્ટેમ્બર 2022ના રોજ દુબઈમાં રમાયેલી એશિયા કપ T20ની સુપર-4 મેચમાં ભારતીય પુરુષ ટીમે 20 ઓવરમાં 212 રન બનાવ્યા, જેમાં વિરાટ કોહલીની સદી સામેલ હતી. તેના જવાબમાં ભુવનેશ્વર કુમારની ઘાતક બોલિંગ (5 વિકેટ)ના દમ પર અફઘાનિસ્તાનને 111 રન પર રોકીને ભારતે 101 રનથી ધમાકેદાર જીત નોંધાવી.

ભારતીય મહિલા ટીમ વિરુદ્ધ નેપાળ (99 રનથી જીત)

2 ડિસેમ્બર 2016ના રોજ બેંગકોકમાં રમાયેલી T20 મેચમાં ભારતીય મહિલા ટીમે પ્રથમ બેટિંગ કરતાં 120 રન બનાવ્યા હતા. નાના લક્ષ્‍યાંક છતાં ભારતીય મહિલા બોલરોએ નેપાળની સમગ્ર ટીમને માત્ર 21 રન પર સમેટી લેતાં 99 રનથી એકતરફી જીત પોતાના નામે કરી.