China Silk Road Scholarship: ચીનમાં હાયર એજ્યુકેશન ફ્રીમાં મેળવવાની તક મળી રહી છે. અહીંની એક યુનિવર્સિટીએ ફુલી-ફંડેડ સ્કોલરશિપ આપવાની જાહેરાત કરી છે, જેનો ફાયદો ભારતીય વિદ્યાર્થીઓ પણ ઉઠાવી શકે છે. ચીનની સાઉથવેસ્ટ યુનિવર્સિટી 'ન્યૂ સિલ્ક રોડ સ્કોલરશિપ' આપી રહી છે. આ સ્કોલરશિપનો સૌથી મોટો ફાયદો એ છે કે આમાં ફી માફ છે અને દર મહિને સ્ટાઈપેન્ડ પણ આપવામાં આવશે.

ચીન હાયર એજ્યુકેશન માટે એક શ્રેષ્ઠ દેશ તરીકે ઉભરી રહ્યું છે. અહીંની ઘણી યુનિવર્સિટીઓ ટોપ-૧૦૦ સંસ્થાઓમાં સામેલ છે.

આ સ્કોલરશિપ બે કેટેગરીમાં વહેંચવામાં આવી છે, જેમાં ટાઇપ એ અને ટાઇપ બી સામેલ છે. ટાઇપ એ સ્કોલરશિપ હેઠળ પૂરી ટ્યુશન ફી માફ થશે અને દર મહિને સ્ટાઈપેન્ડ આપવામાં આવશે. અંડરગ્રેજ્યુએટ સ્ટુડન્ટને દર મહિને ૧૧૦૦ યેન, પોસ્ટગ્રેજ્યુએટ સ્ટુડન્ટને ૧૪૦૦ યેન અને પીએચડી સ્ટુડન્ટને ૧૭૦૦ યેન આપવામાં આવશે. ટાઇપ બી સ્કોલરશિપમાં માત્ર ટ્યુશન ફી માફ થાય છે. આ હેઠળ સ્ટાઈપેન્ડ મળતું નથી. બંને પ્રકારની સ્કોલરશિપમાં મેડિકલ ઈન્સ્યોરન્સ અને રહેવાનો ખર્ચ આપવામાં આવતો નથી. તેની વ્યવસ્થા સ્ટુડન્ટે પોતે જ કરવાની રહેશે.

સ્કોલરશિપ માટે કોણ એપ્લાય કરી શકે છે?

આ સ્કોલરશિપ તે જ વિદ્યાર્થીઓને આપવામાં આવશે, જેમના સારા ગુણ હશે. સ્કોલરશિપ મેળવવા માટે ઓછામાં ઓછું ૩.૦ GPA હોવું જરૂરી છે અથવા તો કુલ માર્ક્સ ૮૦ ટકાથી વધુ હોવા જોઈએ. વિદ્યાર્થીઓએ એ પણ સાબિત કરવું પડશે કે તેમને અભ્યાસ સાથે જોડાયેલી ભાષા આવડે છે. એવામાં તેમણે ભાષાનું સર્ટિફિકેટ (જેમ કે HSK, TOEFL-ibt અથવા IELTS) બતાવવું પડશે, જેથી તેઓ કેમ્પસમાં અભ્યાસ અને વાતચીત કરી શકે. અંડરગ્રેજ્યુએટ સ્ટુડન્ટને ૪ વર્ષ, પોસ્ટગ્રેજ્યુએટ સ્ટુડન્ટને ૨-૩ વર્ષ અને પીએચડી સ્ટુડન્ટને ૪ વર્ષ માટે સ્કોલરશિપ આપવામાં આવશે.

અરજી ક્યાં કરવાની રહેશે?