રિપોર્ટ અનુસાર, આ પણ કોઈ ગ્રાહકની ઓળખ તપાસવાની એક રીત છે જેનાથી સુનિશ્ચિત થાય છે કે બેંક સાથે જોડાયેલો મોબાઈલ નંબર એ જ છે જે તે વખતે ફોનમાં એક્ટિવ છે. જો આમાં કોઈ તફાવત જોવા મળે છે તો ગ્રાહકને રિયલ ટાઇમમાં બેંકિંગ વ્યવહારથી રોકી શકાય છે. આ ટેકનોલોજી ઈ-સિમ પર પણ કામ કરશે.

વેરિફિકેશનની એક્સ્ટ્રા લેયર

રિપોર્ટ અનુસાર, 'સાઇલેન્ટ ઓથેન્ટિકેશન' ટેકનોલોજીને વેરિફિકેશનની એક્સ્ટ્રા લેયર કહેવામાં આવી રહી છે. આજકાલ સાયબર છેતરપિંડી કરનારા લોકોનો ઓટીપી ચોરવા માટે સિમ ક્લોનિંગ અને eSIM સ્વેપિંગને અંજામ આપી રહ્યા છે, પરંતુ 'સાઇલેન્ટ ઓથેન્ટિકેશન' ટેકનોલોજી શરૂ થવાથી તેમની આ કોશિશો સફળ થશે નહીં, કારણ કે બેંક અને ટેલિકોમ કંપનીઓને એ ખબર પડી જશે કે સિમ કાર્ડ, યુઝરના ફોનમાં એક્ટિવ નથી.

એક્સપર્ટે સમજાવ્યું- કેવી રીતે કામ કરશે ટેકનોલોજી

'ટેલિકોમ કંપનીઓ સાથે મળીને અમે ‘સાઇલેન્ટ ઓથેન્ટિકેશન’ના ટ્રાયલ કરી રહ્યા છીએ. આમાં ગ્રાહકે કંઈ કરવાની જરૂર રહેશે નહીં. જો કોઈ ગ્રાહક બેંકિંગ એપમાં લોગ-ઈન કરી રહ્યો છે, પરંતુ મોબાઈલ નંબર, રજિસ્ટર્ડ નંબર સાથે મેળ ખાતો નથી, તો ટેલિકોમ નેટવર્ક પરથી અમને જાણકારી મળી જશે. આનાથી અમે ગ્રાહકને હેરાન કર્યા વગર જ સંભવિત છેતરપિંડીની જાણકારી મેળવી શકીશું.'

- સમીર શેટ્ટી, ડિજિટલ બિઝનેસ ગ્રુપ એક્ઝિક્યુટિવ, એક્સિસ બેંક

એપ દ્વારા OTP મોકલવાની યોજના પર પણ કામ

રિપોર્ટમાં એ પણ જણાવવામાં આવ્યું છે કે ટેલિકોમ કંપનીઓ હાલના SMS બેસ્ડ OTP ને બદલે પોતાની જ એપ્સ દ્વારા OTP મોકલવા પર પણ વિચાર કરી રહી છે. આવું એટલા માટે કારણ કે SMS બેસ્ડ ઓટીપીમાં છેતરપિંડીના રસ્તાઓ સામે આવી રહ્યા છે, પરંતુ એપ બેસ્ડ ઓટીપીમાં આવું થઈ શકશે નહીં. જાણકારી અનુસાર, બેંકોએ 1 એપ્રિલથી ‘ટુ-ફેક્ટર ઓથેન્ટિકેશન’ (2FA) નિયમો હેઠળ આધાર પર બેસ્ડ ફેસ ઓથેન્ટિકેશન અને ઈન-એપ OTP જનરેશન પણ શરૂ કરી દીધું છે.

“બેંક અને ટેલિકોમ કંપનીઓ, નેટવર્કનો ઉપયોગ કરીને એ જાણવા જઈ રહી છે કે ટ્રાન્ઝેક્શન પહેલા તમારી સિમ અને ડિવાઇસ એક જ છે કે નહીં. સાયબર છેતરપિંડી કરનારાઓ માટે આનો તોડ કાઢવો મુશ્કેલ હશે.”

- સુંદરેશ્વર કૃષ્ણમૂર્તિ, PwC ઈન્ડિયાના પાર્ટનર અને સાયબર લીડર

“સાઇલેન્ટ ઓથેન્ટિકેશનથી OTP પર નિર્ભરતા ઘટશે. આનાથી ટ્રાન્ઝેક્શન ફેલ થવાના કિસ્સાઓ ઘટશે અને સુરક્ષા વધશે. બેંકો માટે આ છેતરપિંડી રોકવા અને નિયમોના પાલનમાં મદદરૂપ થશે, જ્યારે બ્રાન્ડ્સને વધુ સારા ટ્રાન્ઝેક્શન રેટ અને ગ્રાહકોનો ભરોસો મળશે.”

- નિતિન સિંઘલ, ક્લાઉડ કોમ્યુનિકેશન્સ કંપની ‘સિંચ’ (Sinch) ના મેનેજિંગ ડિરેક્ટર