જોકે, આ છતાં વેસ્ટઇન્ડીઝ ટીમની સ્થિતિ મજબૂત દેખાઈ રહી નથી.

જોમેલ વૉરિકને 4 બોલમાં લીધી 3 વિકેટ

અબ્દુલ્લાહ શફીક 323 બોલમાં 160 રન બનાવીને ક્રિઝ પર હાજર હતા. તેમનો સાથ આપતા સાજિદ ખાને 70 બોલમાં 30 રન બનાવી લીધા હતા. આ જોડીએ પાકિસ્તાનને 400ના સ્કોરની પાર પહોંચાડશે એવું લાગી રહ્યું હતું. 110મી ઓવરની પ્રથમ બોલ પર સાજિદ ખાનની વિકેટ પડી, ત્યારબાદ પાકિસ્તાનની ઇનિંગ્સ પત્તાના મહેલની જેમ ધરાશાયી થઈ ગઈ. 115મી ઓવરમાં જોમેલ વૉરિકને ત્રીજા બોલ પર સૌપ્રથમ અલી ઉસ્માનને આઉટ કર્યો. ત્યારબાદ પાંચમા અને છેલ્લાં બોલ પર અનુક્રમે ઉબૈદ શાહ અને મહંમદ અલીને પણ પેવેલિયનનો રસ્તો બતાવ્યો. 387ના સ્કોર પર 7 વિકેટ સાથે ઉભેલી પાકિસ્તાનની ટીમ ત્યારબાદ એક પણ રન ઉમેરી શકી નહીં. શફીક પણ પોતાના 160ના સ્કોર બાદ વધુ આગળ વધી શક્યા નહીં.

વેસ્ટઇન્ડીઝની બેટિંગ કમાલ કરી શકી નહીં

જોમેલ વૉરિકનના આ શાનદાર પ્રદર્શન છતાં વેસ્ટઇન્ડીઝની બેટિંગે નિરાશા પેદા કરી. પાકિસ્તાને પ્રથમ ઇનિંગ્સમાં 387 રન બનાવ્યા બાદ યજમાન ટીમ સામે 33 રનની સરસાઈ મેળવી. તેના જવાબમાં વેસ્ટઇન્ડીઝે 103ના સ્કોર પર 6 વિકેટ ગુમાવી દીધી. સાજિદ ખાને પોતાના 12 ઓવરના સ્પેલમાં 32 રન આપીને 4 વિકેટ ઝડપી, જ્યારે અલી ઉસ્માને 2 બેટ્સમેનોને પોતાનો શિકાર બનાવ્યા. કેવમ હોજ 34 રન સાથે અત્યાર સુધીનો સર્વોચ્ચ વ્યક્તિગત સ્કોર બનાવનાર ખેલાડી રહ્યા છે.

60 રનની સરસાઈ સાથે વેસ્ટઇન્ડીઝ આગળ

વેસ્ટઇન્ડીઝે 60 રનની સરસાઈ સાથે ત્રીજા દિવસની રમત પૂર્ણ કરી. જસ્ટિન ગ્રીવ્સ 16 બોલમાં 1 રન બનાવીને ક્રિઝ પર અણનમ છે. ચોથા દિવસની રમત શરૂ થયા પછી જ ખબર પડશે કે તેમનો સાથ આપવા માટે કોણ મેદાનમાં આવશે. સાથે જ તમને જણાવી દઈએ કે ભારતીય સમય અનુસાર સાંજે 7:30 વાગ્યે મેચ ફરી શરૂ થશે.