June 1 Rule Changes 2026। મે મહિનો હવે સમાપ્ત થવાના આરે છે અને બે દિવસ પછી જૂન મહિનો શરૂ થઈ રહ્યો છે. દર મહિનાની જેમ આગામી મહિનો પણ દેશમાં ઘણા મોટા આર્થિક અને નિયમનકારી ફેરફારો (Rule Change From 1st June) લઈને આવી રહ્યો છે, જે મહિનાની પહેલી તારીખથી જ દેશભરમાં લાગુ થઈ જશે. આ ફેરફારોની સીધી અસર દરેક ઘર અને સામાન્ય નાગરિકના ખિસ્સા પર જોવા મળશે, કારણ કે આમાં ઘરના રસોડાના બજેટથી લઈને બેંક ડિપોઝિટ અને સબસિડીના નિયમો સામેલ છે.

આવો જાણીએ ૧ જૂન ૨૦26થી દેશમાં કયા ૫ મોટા બદલાવ આવવા જઈ રહ્યા છે.

રસોઈ ગેસ (LPG) અને વિમાનના ઇંધણ (ATF) ના ભાવોમાં ઓઈલ કંપનીઓ કરશે સુધારો

દર મહિનાની પહેલી તારીખે ઓઇલ માર્કેટિંગ કંપનીઓ એલપીજી સિલિન્ડરની કિંમતોની સમીક્ષા કરે છે અને નવા દરો જાહેર કરે છે. મિડલ ઈસ્ટ (ખાડી દેશો) ની કટોકટીના કારણે છેલ્લા કેટલાક મહિનામાં સિલિન્ડર મોંઘા થયા બાદ, હાલમાં દિલ્હીમાં ૧૪ કિલોનો ઘરેલું એલપીજી સિલિન્ડર ૯૧૩ રૂપિયા અને ૧૯ કિલોનો કોમર્શિયલ ગેસ સિલિન્ડર ૨,૦૭૮ રૂપિયામાં મળી રહ્યો છે, જેમાં ૧ જૂને બદલાવ આવી શકે છે. આ સિવાય, હવાઈ મુસાફરીને પ્રભાવિત કરતા એર ટર્બાઈન ફ્યુઅલ એટલે કે જેટ ઇંધણ (ATF Price) ના ભાવો પણ ૧ જૂને બદલાશે. હાલમાં દિલ્હીમાં જેટ ઇંધણની કિંમત ૧,૦૪,૯૨૭ રૂપિયા પ્રતિ કિલોલીટર ચાલી રહી છે, જેની સીધી અસર એરલાઇન્સની ટિકિટના ભાડા પર પડે છે.

HDFC બેંકમાં નાની નોટો અને સિક્કા જમા કરાવવા પર લાગશે નવો ચાર્જ અને મર્યાદા

૧ જૂન ૨૦26થી દેશની સૌથી મોટી ખાનગી બેંક HDFC Bank પોતાના કરન્ટ એકાઉન્ટ (ચાલુ ખાતા) સહિત અન્ય કેટલાક ખાતાઓ સાથે જોડાયેલા નિયમો બદલવા જઈ રહી છે. બેંકની સત્તાવાર વેબસાઇટ અનુસાર, હવે નાની ચલણી નોટો અને સિક્કાઓ રોકડા જમા કરાવવા પર નવી માસિક મર્યાદા અને વધારાનો ચાર્જ લાગુ થશે. નવા નિયમો હેઠળ, ૨૦ રૂપિયા કે તેથી ઓછી કિંમતની નોટો માટે દર મહિને ૧૦,૦૦૦ રૂપિયા અને સિક્કાઓ માટે ૫,૦૦૦ રૂપિયા પ્રતિ મહિનાની મર્યાદા નક્કી કરવામાં આવી છે. આ લિમિટ કરતાં વધુ કેશ જમા કરાવવા પર ગ્રાહકોએ ૨ ટકાનો એક્સ્ટ્રા ચાર્જ (વધારાનો ટેક્સ) ચૂકવવો પડશે.