US Cancels Truck Driver Licenses યુનાઇટેડ સ્ટેટ્સ (United States) માં પરિવહન વિભાગ અને સુરક્ષા એજન્સીઓ દ્વારા ડ્રાઇવિંગના નિયમો વધુ કડક બનાવવામાં આવ્યા છે. આ કડકાઈના ભાગરૂપે, જે ટ્રક ડ્રાઇવરો યોગ્ય રીતે અંગ્રેજી ભાષા વાંચી, બોલી કે સમજી શકતા નથી તેવા ૨૮,૦૦૦ થી વધુ કોમર્શિયલ ટ્રક ડ્રાઇવરોના લાયસન્સ (Commercial driver licenses) રદ કરવાનો મોટો નિર્ણય લેવામાં આવ્યો છે.
આ નિયમનના કારણે અમેરિકામાં કામ કરતા અનેક ભારતીય ડ્રાઇવરોને પણ મોટો ફટકો પડ્યો છે.
US Cancels Truck Driver Licenses - ફેડરલ નિયમો અને સલામતીના કારણોસર લેવાયેલું કડક પગલું
અમેરિકાના ફેડરલ મોટર કેરિયર સેફ્ટી એડમિનિસ્ટ્રેશન (FMCSA) ના નિયમો અનુસાર, કોમર્શિયલ મોહન ચલાવતા ડ્રાઇવરો માટે માર્ગ સંકેતો સમજવા, ટ્રાફિક અધિકારીઓ સાથે વાતચીત કરવા અને સુરક્ષા નિર્દેશોનું પાલન કરવા માટે અંગ્રેજી ભાષાનું પર્યાપ્ત જ્ઞાન હોવું અનિવાર્ય છે. રસ્તા પર થતી દુર્ઘટનાઓ અટકાવવા અને પરિવહન સુરક્ષા વધારવા માટે સત્તાવાળાઓ દ્વારા આ માપદંડોનું સખત પાલન કરાવવામાં આવી રહ્યું છે.
US Cancels Truck Driver Licenses - ભારતીય ડ્રાઇવરો અને પ્રવાસી સમુદાય પર તેની અસર
અમેરિકાના લોજિસ્ટિક્સ અને ટ્રાન્સપોર્ટેશન સેક્ટરમાં મોટી સંખ્યામાં ભારતીયો અને અન્ય એશિયન દેશોના નાગરિકો ડ્રાઇવિંગ ક્ષેત્રે જોડાયેલા છે. અચાનક લેવાયેલા આ નિર્ણયના કારણે ઘણા ભારતીય ટ્રક ડ્રાઇવરોની રોજગારી સામે જોખમ ઊભું થયું છે. ભાષાકીય પરીક્ષણો પાસ ન કરી શકવાને કારણે અનેક ડ્રાઇવરોએ પોતાની નોકરી ગુમાવવાનો વારો આવ્યો છે, જેથી ડાયસ્પોરા સમુદાયમાં ચિંતા ફેલાઈ છે.
આ મોટા પાયે લાયસન્સ રદ થવાની કાર્યવાહીથી અમેરિકાના સપ્લાય ચેઈન અને માલસામાન વહન ક્ષેત્રે ડ્રાઇવરોની અછત સર્જાઈ શકે છે. ટ્રાન્સપોર્ટ કંપનીઓ હવે કર્મચારીઓને ભાષાકીય તાલીમ આપવા અથવા નવા નિયમો અનુસાર રિપ્લેસમેન્ટ શોધવાની કવાયતમાં લાગી ગઈ છે. આગામી સમયમાં આ નીતિને કારણે આંતરરાષ્ટ્રીય ડ્રાઇવરોએ વધુ કાનૂની પડકારોનો સામનો કરવો પડી શકે છે.