બાંગ્લાદેશ આંતરરાષ્ટ્રીય ક્રિકેટ ટીમના પૂર્વ કેપ્ટન અને અવામી લીગના પૂર્વ સાંસદ શાકિબ અલ હસનનું પૈતૃક ઘર બુધવારે રાત્રે હિંસાનો શિકાર બન્યું હતું. આ ઘટના બાંગ્લાદેશના મગુરા શહેરના કેશબમોર વિસ્તારમાં બની હતી. રાત્રે લગભગ 8:45 વાગ્યે બદમાશોએ પેટ્રોલ બોમ્બ ફેંક્યા અને સાકિબના ઘરમાં તોડફોડ કરી.
આ હુમલો ત્યારે થયો જ્યારે થોડા કલાકો પહેલા જ, નવી દિલ્હીમાં ‘ફોરેન કોરોસ્પોન્ડન્ટ્સ ક્લબ ઓફ સાઉથ એશિયા’ (FCC) ખાતે આયોજિત પ્રેસ કોન્ફરન્સમાં શાકિબ અલ હસન વર્ચ્યુઅલ રીતે ભારત સાથે જોડાયા હતા અને બાંગ્લાદેશના ભૂતપૂર્વ વડા પ્રધાન શેખ હસીનાના કાર્યક્રમમાં ભાગ લીધો હતો.
ઃ ‘મને મારી નાખો અથવા જેલમાં નાખો, હું ચોક્કસ બાંગ્લાદેશ પરત આવીશ’ શેખ હસીનાએ સ્પષ્ટ કહ્યું
ઘરમાં તોડફોડ, આગ લગાડવાનો પ્રયાસ
સ્થાનિક અહેવાલો અનુસાર, અજાણ્યા બદમાશોના એક જૂથે મગુરામાં તેમના નિવાસસ્થાનને નિશાન બનાવ્યું હતું. બદમાશોએ પથ્થરમારો કર્યો, બારીઓ અને સંપત્તિને નુકસાન પહોંચાડ્યું અને ઘરને આગ લગાડવાના ઇરાદે પેટ્રોલ બોમ્બ ફેંક્યા. સ્થાનિક પોલીસ ઘટના સમયે ઘરમાં કોણ હાજર હતું અને કેટલું આર્થિક નુકસાન થયું તેની તપાસ કરી રહી છે. આ હુમલાથી સમગ્ર મગુરા શહેરમાં તંગદિલી ફેલાઈ ગઈ છે.
નવી દિલ્હીની પ્રેસ કોન્ફરન્સમાં શું થયું?
આ ઘટના ત્યારે બની છે જ્યારે શેખ હસીનાએ 5 ઓગસ્ટ, 2024 ના રોજ નવી દિલ્હીથી આંતરરાષ્ટ્રીય મીડિયાને સંબોધિત કર્યું હતું, તેણીએ સત્તા ગુમાવ્યાના બરાબર બે વર્ષ પછી. આ વર્ચ્યુઅલ કોન્ફરન્સનું આયોજન “શેખ હસીનાની વતન પરત” શીર્ષક હેઠળ કરવામાં આવી હતી.