હાલમાં બજારમાં ત્રણ મોટી પ્રાઈવેટ અને માત્ર એક સરકારી કંપની જ રેસમાં સામેલ છે.

તેના કારણે ટેલિકોમ કંપનીઓ માટે કિંમતોમાં વધારો કરવાનું સરળ બની ગયું છે. ટેલિકોમ સેક્ટરના ફાયનાન્સિયલ પરફોર્મન્સ પર નજર કરીએ તો, ગ્રાહકો ઝડપથી 2G પરથી 4G અને 5G નેટવર્ક પર શિફ્ટ થયા છે અને પોસ્ટપેડ ગ્રાહકોની સંખ્યામાં પણ વધારો થયો છે. ચાલુ ક્વાર્ટરમાં દિવસોની સંખ્યા વધુ હોવાને કારણે પ્રાઈવેટ ઓપરેટર્સની પ્રતિ યુઝર સરેરાશ આવક (ARPU) માં જૂન ક્વાર્ટર દરમિયાન લગભગ 1 થી 1.5 ટકાનો વધારો થવાની આશા છે. બજાર હિસ્સામાં (માર્કેટ શેરમાં) પણ મોટા ફેરફારો જોવા મળી રહ્યા છે.

એરટેલ સાથે 50 લાખ નવા ગ્રાહકો જોડાવાની આશા

રિપોર્ટમાં આશા વ્યક્ત કરવામાં આવી છે કે ભારતી એરટેલ અને રિલાયન્સ જીઓ જેવી મોટી કંપનીઓ પોતાની મજબૂત સ્થિતિના જોરે માર્કેટમાં હિસ્સેદારી વધારવાનું ચાલુ રાખશે, જ્યારે વોડાફોન આઈડિયા (VIL) ને નુકસાન વેઠવું પડી શકે છે. આ ક્વાર્ટર દરમિયાન રિલાયન્સ જીઓ સાથે અંદાજે 70 લાખ નવા ગ્રાહકો અને ભારતી એરટેલ સાથે 50 લાખ નવા ગ્રાહકો જોડાવાની આશા છે. તેની સરખામણીમાં વોડાફોન આઈડિયાના નેટવર્ક સાથે માત્ર 2 લાખ નવા ગ્રાહકો જ જોડાઈ શકે છે.

ડેટાનો વપરાશ મજબૂત રહેવાનો અંદાજ

સમગ્ર દેશમાં 4G અને 5G નેટવર્કની પહોંચ સતત વધવાને કારણે પ્રતિ ગ્રાહક ડેટાનો વપરાશ મજબૂત રહેવાનો અંદાજ છે. રિલાયન્સ જીઓ અને ભારતી એરટેલે દેશના 90 ટકાથી વધુ જિલ્લાઓમાં પોતાની 5G સેવા પહોંચાડી દીધી છે અને હવે તેમનું પૂરું ધ્યાન નેટવર્ક પર વધુમાં વધુ 5G ડિવાઇસને જોડવા પર છે. આ સાથે જ બંને કંપનીઓ 5G ફિક્સ્ડ વાયરલેસ એક્સેસ (FWA) અને ફિક્સ્ડ બ્રોડબેન્ડ સેગમેન્ટમાં પણ સારું પ્રદર્શન કરી રહી છે, કારણ કે તેમાં વિકાસની અપાર સંભાવનાઓ રહેલી છે.

5G સેવાનું ઝડપથી થઈ રહ્યું છે એક્સપેન્શન

સંકટમાંથી બહાર આવવાનો પ્રયાસ કરી રહેલી વોડાફોન આઈડિયા (Vodafone Idea) પણ દેશમાં પોતાની 5G સેવાનું ઝડપથી વિસ્તરણ (એક્સપેન્શન) કરી રહી છે. વર્તમાન સમયમાં વોડાફોન આઈડિયાનું 5G નેટવર્ક આશરે 100 શહેરોમાં એક્ટિવ છે અને કંપની આ કવરેજને સતત વધારી રહી છે. કંપની માટે રાહતના સમાચાર એ છે કે તેના એડજસ્ટેડ ગ્રોસ રેવેન્યુ (AGR) નો બાકી બોજ પણ ઘણો ઓછો થઈ ગયો છે. ભવિષ્યની એજીઆર ચૂકવણીની જવાબદારીઓના વર્તમાન મૂલ્યના હિસાબે વોડાફોન આઈડિયાની દેવાદારી ઘટીને આશરે 25 હજાર કરોડ રૂપિયા રહી ગઈ છે. કંપની માટે નાણાકીય મોરચે આ એક મોટી રાહત છે.