સામાન્ય રીતે પોલીસ વિભાગમાં નિવૃત્તિ સમારોહ ઔપચારિક કાર્યક્રમો સુધી મર્યાદિત રહેતા હોય છે, પરંતુ આ પ્રસંગે લોકસાહિત્ય અને લોકસંગીતના આયોજનને કારણે કાર્યક્રમ ખાસ ચર્ચામાં રહ્યો હતો.

આ કાર્યક્રમમાં ગુજરાતના જાણીતા લોકસાહિત્યકાર માયાભાઈ આહીર, લોકગાયક કીર્તિદાન ગઢવી તેમજ બિહારની લોકગાયિકા અને ધારાસભ્ય મૈથિલી ઠાકુરે ઉપસ્થિત રહી પોતાની કલાત્મક રજૂઆત કરી હતી. એક જ મંચ પર ત્રણ લોકપ્રિય કલાકારોની હાજરીએ કાર્યક્રમને વિશેષ આકર્ષણ આપ્યું હતું. લોકગીતો, ભજનો અને લોકસાહિત્યના રસપ્રદ સંકલનથી ઉપસ્થિત શ્રોતાઓએ કાર્યક્રમનો આનંદ માણ્યો હતો.

હાઈકોર્ટની ફટકાર છતાં અધિકારીને મળ્યો સરકારનો શિરપાવ : નાસીરનગર ડિમોલિશન વિવાદમાં ઘેરાયેલાં DCP નકુમ સહિત 6ને IPSનું પ્રમોશન

કલાકારોની રજૂઆત દરમિયાન મંચ પર નોટો ઉડાડવામાં આવી

ડાયરાના માહોલ દરમિયાન શ્રોતાઓમાં ભારે ઉત્સાહ જોવા મળ્યો હતો. માયાભાઈ આહીરની રજૂઆત વચ્ચે કીર્તિદાન ગઢવી અને મૈથિલી ઠાકુરે પણ પોતાના લોકપ્રિય ગીતો રજૂ કર્યા હતા. કાર્યક્રમ દરમિયાન કેટલાક ઉપસ્થિત લોકોએ પરંપરાગત રીતે કલાકારોના સન્માનરૂપે મંચ પર નોટો ઉડાડતા દૃશ્યો જોવા મળ્યા હતા.

કાર્યક્રમમાં હાજર કેટલાક પોલીસ કર્મચારીઓ તેમજ અન્ય ઉપસ્થિત લોકો પણ મંચની નજીક પહોંચ્યા હતા. આ સમગ્ર ઘટનાના વીડિયો સોશિયલ મીડિયા પર વાયરલ થયા બાદ કાર્યક્રમ શહેરમાં ચર્ચાનો વિષય બન્યો છે. જોકે, વાયરલ થયેલા વીડિયોને લઈને સુરત પોલીસ તરફથી આ સમાચાર લખાય છે ત્યાં સુધી કોઈ સત્તાવાર નિવેદન અથવા સ્પષ્ટતા જાહેર કરવામાં આવી નથી.

નિવૃત્ત PIને અપાઈ લાગણીસભર વિદાય

જે અધિકારીના સન્માનમાં કાર્યક્રમ યોજાયો હતો તે નિવૃત્ત PI જયરાજસિંહ ગઢવી સમગ્ર કાર્યક્રમ દરમિયાન મંચ પર ઉપસ્થિત રહ્યા હતા. પોલીસ વિભાગના અધિકારીઓ અને સહકર્મચારીઓએ તેમની લાંબી સેવાઓને યાદ કરી તેમને શુભેચ્છાઓ પાઠવી હતી. વિવિધ મહેમાનોએ પણ તેમની કારકિર્દી દરમિયાન આપેલા યોગદાનની પ્રશંસા કરી હતી.

પોલીસ વિભાગમાં લાંબી સેવા આપનારા અધિકારીઓને સન્માનપૂર્વક વિદાય આપવાની પરંપરા લાંબા સમયથી ચાલી આવે છે. જોકે આ વખતે લોકપ્રિય કલાકારો સાથે ડાયરાનું આયોજન થવાને કારણે કાર્યક્રમને વિશેષ ઓળખ મળી હતી.

ઘર તૂટ્યાં પછી હવે મળી રાહત! : હાઈકોર્ટની ફટકાર બાદ નાસિરનગરના અસરગ્રસ્ત પરિવારો માટે SMCનો મોટો નિર્ણય

સોશિયલ મીડિયા પર વીડિયો વાયરલ, લોકોમાં ચર્ચા

કાર્યક્રમ દરમિયાન હાજર લોકોએ પોતાના મોબાઇલ ફોનમાં અનેક વીડિયો રેકોર્ડ કર્યા હતા. તેમાં કલાકારોની રજૂઆત, મંચ પર ઉડાડવામાં આવેલી નોટો અને પોલીસ પરિવારની ઉપસ્થિતિ જેવા દૃશ્યો સામેલ છે. આ વીડિયો સોશિયલ મીડિયા પર ઝડપથી વાયરલ થતાં વિવિધ પ્રકારની ચર્ચાઓ શરૂ થઈ છે.

કેટલાક લોકો આ કાર્યક્રમને સાંસ્કૃતિક અને સન્માનસભર વિદાય તરીકે જોઈ રહ્યા છે, જ્યારે કેટલાક સોશિયલ મીડિયા યુઝર્સ જાહેર સેવા સાથે જોડાયેલા અધિકારીઓના કાર્યક્રમમાં આવી રજૂઆતો અંગે પોતાના અભિપ્રાયો વ્યક્ત કરી રહ્યા છે. જોકે, કાર્યક્રમ અંગે કોઈ સત્તાવાર વિવાદ અથવા તપાસની જાહેરાત થઈ હોવાનું સામે આવ્યું નથી.