તપાસ એજન્સીએ હુમલાના કાવતરા અને આતંકવાદી નેટવર્કમાં સામેલ અન્ય આરોપીઓ સામે કોર્ટમાં વધારાના પુરાવા પણ રજૂ કર્યા છે.

જમ્મુમાં એનઆઇએ સ્પેશિયલ કોર્ટમાં દાખલ કરાયેલી પૂરક ચાર્જશીટમાં, આતંકવાદ વિરોધી એજન્સીએ હાફિઝ સઈદ પર વ્યÂક્તગત રીતે અને પ્રતિબંધિત આતંકવાદી સંગઠન લશ્કર-એ-તૈયબા અને તેના સક્રિય પ્રોક્સી સંગઠન, ધ રેઝિસ્ટન્સ ફ્રન્ટના વડા તરીકે આરોપ મૂક્યો છે. તપાસ એજન્સી અનુસાર, હાફિઝ સઈદ સામે ભારતીય દંડ સંહિતા,૨૦૨૩ અને ગેરકાયદેસર પ્રવૃત્તિઓ (નિવારણ) અધિનિયમ, ૧૯૬૭ ની વિવિધ કલમો હેઠળ કેસ નોંધવામાં આવ્યો છે. ચાર્જશીટમાં તેના પર ભારત સામે યુદ્ધ છેડવાનો અને પાકિસ્તાનથી આતંકવાદી હુમલો કરવાનું કાવતરું ઘડવાનો આરોપ મૂકવામાં આવ્યો છે.

જમ્મુ અને કાશ્મીરના પહલગામમાં આતંકવાદી હુમલાના ૧૫ દિવસ પછી, ૭ મેના રોજ, ભારતીય સેનાએ ઓપરેશન સિંદૂર હેઠળ પાકિસ્તાન અને પીઓકેમાં નવ આતંકવાદી ઠેકાણાઓનો નાશ કર્યો, જેમાં ઘણા કુખ્યાત આતંકવાદીઓ માર્યા ગયા. આ પછી, બંને દેશો વચ્ચેની પરિસ્થિતિ બગડી અને બે દાયકામાં ટોચ પર પહોંચી ગઈ. દરમિયાન, પાકિસ્તાન દ્વારા ભારતીય શહેરોને નિશાન બનાવ્યા પછી, ભારતની વાયુ સંરક્ષણ પ્રણાલીએ અસરકારક રીતે પ્રતિક્રિયા આપી, તમામ હુમલાઓને નિષ્ફળ બનાવ્યા. ભારતે ૧૪ પાકિસ્તાની લશ્કરી સ્થાપનોનો નાશ કરીને બદલો લીધો. આનાથી ગભરાઈને, પાકિસ્તાને યુદ્ધવિરામનો પ્રસ્તાવ મૂક્્યો, જે બંને દેશો વચ્ચેની ચર્ચા પછી લાગુ કરવામાં આવ્યો.

એનઆઇએએ જણાવ્યું હતું કે આ પૂરક ચાર્જશીટ અગાઉ દાખલ કરાયેલ મૂળ ૧,૫૯૭ પાનાની ચાર્જશીટનું વિસ્તરણ છે. તેમાં પાકિસ્તાનના કાવતરા, હાફિઝ સઈદની ભૂમિકા અને તપાસ દરમિયાન એકત્રિત કરાયેલા વૈજ્ઞાનિક અને અન્ય પુરાવાઓનો વિગતવાર અહેવાલ શામેલ છે.

૧૫ ડિસેમ્બર, ૨૦૨૫ ના રોજ દાખલ કરાયેલી તેની પહેલી ચાર્જશીટમાં,એનઆઇએએ પાકિસ્તાની આતંકવાદી હેન્ડલર સાજિદ જટ્ટ, જુલાઈ ૨૦૨૫ માં ઓપરેશન મહાદેવ દરમિયાન માર્યા ગયેલા ત્રણ આતંકવાદીઓ અને બે ધરપકડ કરાયેલા આરોપીઓનું નામ આપ્યું હતું. વધુમાં, તપાસ એજન્સીએ પ્રતિબંધિત સંગઠન લશ્કર-એ-તૈયબા/ટીઆરએફને પણ કાનૂની એન્ટીટી તરીકે નામ આપ્યું હતું. એનઆઇએનો આરોપ છે કે આ સંગઠનોએ પહેલગામ હુમલાની યોજના બનાવી હતી, તેને અંજામ આપવામાં મદદ કરી હતી અને સમગ્ર કાવતરું ઘડ્યું હતું. હુમલા પછી, શરૂઆતમાં પહેલગામ પોલીસ સ્ટેશનમાં એફઆઇઆર દાખલ કરવામાં આવી હતી. પ્રારંભિક તપાસ પછી, કેન્દ્રીય ગૃહ મંત્રાલયે કેસ એનઆઇએને સોંપ્યો હતો.એનઆઇએએ જણાવ્યું છે કે તપાસ ચાલુ છે અને એજન્સી સરહદ પારથી ભારતમાં આતંકવાદને સતત પ્રોત્સાહન આપવાના પાકિસ્તાનના કાવતરાને ઉજાગર કરવા માટે કામ કરી રહી છે.

રાષ્ટ્રીય તપાસ એજન્સી (એનઆઇએ) એ સોમવારે પહેલગામ આતંકવાદી હુમલા કેસમાં પાકિસ્તાન સ્થિત આતંકવાદી સંગઠન લશ્કર-એ-તૈયબાના નેતા હાફિઝ સઈદનું નામ આરોપી તરીકે રાખ્યું છે. એનઆઇએએ તેની સામે ભારત સામે યુદ્ધ છેડવા અને સરહદ પાર આતંકવાદનું કાવતરું ઘડવા સહિતના ગંભીર આરોપો મૂક્યા છે. તપાસ એજન્સીએ હુમલાના કાવતરા અને આતંકવાદી નેટવર્કમાં સામેલ અન્ય આરોપીઓ સામે કોર્ટમાં વધારાના પુરાવા પણ રજૂ કર્યા છે.