પોલીસે ગાડીની તપાસ કરતા તેમાંથી 1400 બોટલ વિદેશી દારૂ મળી આવ્યો હતો, જેની કિંમત રૂ. 3,82,450/- આંકવામાં આવી છે. પોલીસે વિદેશી દારૂ અને ક્રેટા ગાડી સહિત કુલ રૂ. 12,82,450/- નો મુદ્દામાલ જપ્ત કર્યો છે. ઉલ્લેખનીય છે કે છોટા ઉદેપુર સરહદી જિલ્લો હોવાથી પરપ્રાંતમાંથી દારૂ ઘુસાડવાના પ્રયાસો અવારનવાર થતા રહે છે, જેને જિલ્લા પોલીસ નિષ્ફળ બનાવી રહી છે.

પાવી જેતપુર પોલીસ પેટ્રોલિંગમાં હતી ત્યારે હ્યુન્ડાઈ ક્રેટા ગાડી શંકાસ્પદ રીતે આવતી જોવા મળી હતી. પોલીસે તેને રોકવાનો ઈશારો કરતા ચાલકે ગાડી ભગાવી મૂકી હતી. પોલીસે પીછો કરતા ક્રેટા ચાલક લોઢણ કેનાલ પાસે ગાડી મૂકીને ફરાર થઈ ગયો હતો.