વરસાદ પછી, શહેરના ઘણા વિસ્તારો તળાવમાં ફેરવાઈ ગયા. રસ્તાઓ પાણીમાં ડૂબી ગયા હતા, અને ઘરોમાં બે થી ત્રણ ફૂટ ઊંડા પાણી ઘૂસી ગયા હતા. લગભગ ૨ વાગ્યાથી, લોકો પાણી કાઢવા અને પોતાનો સામાન સુરક્ષિત કરવાનો પ્રયાસ કરતા જાવા મળ્યા. ઘણા પરિવારો ઊંઘ અને ખોરાક વિના રહ્યા, અને કેટલાક તો પીવાના પાણી વિના પણ રહ્યા.

સ્થાનિક રહેવાસી રાજુ વર્માએ જણાવ્યું હતું કે ચોમાસાની ઋતુમાં તેમના વિસ્તારમાં વારંવાર પૂર આવે છે, પરંતુ વહીવટીતંત્રે હજુ સુધી કાયમી ઉકેલ શોધી કાઢ્યો નથી. તેમણે કહ્યું, "આ કોઈ નવી સમસ્યા નથી. ચોમાસાની ઋતુ દરમિયાન દર વર્ષે આવી પરિસ્થિતિઓ ઉભી થાય છે, પરંતુ હજુ સુધી કોઈ કાયમી ઉકેલ મળ્યો નથી. નાના બાળકો અને વૃદ્ધો સાથે આ ઘરોમાં રહેવું મુશ્કેલ બન્યું છે. દૂષિત પાણીની હાજરીથી ચેપ ફેલાવાનું જાખમ પણ વધે છે." અન્ય એક રહેવાસી, અનિતા વર્માએ જણાવ્યું હતું કે સિઝનના પહેલા ભારે વરસાદ દરમિયાન શહેરની ડ્રેનેજ સિસ્ટમ તૂટી ગઈ હતી. તેમણે આગામી દિવસોમાં વધુ વરસાદ પડવાની શક્્યતા અંગે ચિંતા વ્યક્ત કરી હતી.

રહેવાસીઓએ અધિકારીઓ પાસેથી તાત્કાલિક રાહત અને કાયમી ઉકેલની માંગ કરી છે. સ્થાનિક રહેવાસી લોકેશ યાદવે કહ્યું, "આવી પરિસ્થિતિ દર વખતે બને છે. અમે ખૂબ જ વ્યથિત છીએ. અમે અમારા બાળકોને અમારા હાથમાં લઈને ભટકતા રહીએ છીએ. અમે થોડીવાર બેસીએ છીએ, પરંતુ પછી પાણી વધવાના ડરથી ફરીથી ચાલવું પડે છે. જો પહેલા વરસાદ પછી આ પરિસ્થિતિ રહેશે, તો આગળ શું થશે?"

ભારતીય હવામાન વિભાગના જણાવ્યા અનુસાર, ૧૦ જુલાઈ સુધી છત્તીસગઢ, પૂર્વી મધ્યપ્રદેશ, વિદર્ભ અને પશ્ચિમી મધ્યપ્રદેશમાં ખૂબ જ ભારે વરસાદની આગાહી છે. ૯ થી ૧૨ જુલાઈ સુધી પૂર્વી મધ્યપ્રદેશ અને પશ્ચિમી મધ્યપ્રદેશમાં છૂટાછવાયા વાવાઝોડા, વીજળી અને જોરદાર પવન ફૂંકાશે. ૯-૧૦ જુલાઈ દરમિયાન પશ્ચિમ મધ્યપ્રદેશ, ૯-૧૦ જુલાઈ દરમિયાન પૂર્વી મધ્યપ્રદેશ, ૮ જુલાઈએ વિદર્ભ, ૮-૯ જુલાઈ અને ૧૦-૧૨ જુલાઈ દરમિયાન છત્તીસગઢમાં ભારે વરસાદની શક્યતા છે.

છત્તીસગઢના રાયપુરમાં ભારે વરસાદને કારણે રાયપુરના ઘણા ભાગોમાં પાણી ભરાઈ ગયા. રસ્તાઓ અને શેરીઓ ડૂબી ગયા, અને ઘણા ઘરોમાં પણ પાણી ઘૂસી ગયા. સ્થાનિક લોકોએ અહેવાલ આપ્યો કે રાતભર પડેલા વરસાદ પછી, કેટલાક વિસ્તારોમાં પાણી ઘૂસી ગયા અને કમર સુધી પહોંચી ગયા. ગંદુ પાણી ઘણા ઘરોમાં ઘૂસી ગયું, જેનાથી સામાનને નુકસાન થયું. બાળકો અને વૃદ્ધોની સલામતી સુનિશ્ચિત કરવા માટે ઘણા લોકોને આખી રાત જાગતા રહેવું પડ્યું.