ત્યારે આજે પાલનપુર નગરપાલિકાની પ્રથમ સાધારણ સભા પ્રમુખ સુનિતાબેન પટેલના અધ્યક્ષ સ્થાને યોજાઈ હતી. જેમાં ગત ટર્મના આવક જાવકના આંકડા ઓ મંજુર કરાયા હતા. આ ઉપરાંત એજન્ડા પરના વિકાસ ના વિવિધ કામોને બહાલી અપાઈ હતી. જોકે, કોંગ્રેસે એજન્ડા પરના 1 થી 25 કામોમાં વિરોધ જતાવ્યો હતો. ત્યારે પાલિકા પ્રમુખ સુનિતાબેન પટેલે વિપક્ષના વિરોધને કોંગ્રેસની વિકાસ વિરોધી માનસિકતા ગણાવી હતી.117.jpg147.73 KBઆમ, વિપક્ષ કોંગ્રેસના વિરોધ વચ્ચે પાલનપુર નગર પાલિકાની પ્રથમ સાધારણ સભા બહુમતિ એ સંપન્ન થઈ હતી. આજની સભામાં પાલિકા પ્રમુખ સુનિતા બેન પટેલ, ઉપપ્રમુખ દશરથસિંહ સોલંકી, નિયુક્ત કારોબારી ચેરમેન નાગજી દેસાઈ, ચીફ ઓફિસર જીગર પટેલ સહિત નગરપાલિકાના સભ્યો અને પાલિકાના અધિકારીઓ ઉપસ્થિત રહ્યા હતા.

વિપક્ષનું વિકાસ વિરોધી વલણ : ઉપપ્રમુખ

પાલનપુર નગરપાલિકાની પ્રથમ સાધારણ સભાના પ્રારંભે જ વિપક્ષ કોંગ્રેસે વિરોધ જતાવી હોબાળો કરતા પાલિકા પ્રમુખ સુનિતાબેન પટેલે તેને કોંગ્રેસની વિકાસ વિરોધી માનસિકતા ગણાવી હતી. જ્યારે પાલિકાના ઉપપ્રમુખ દશરથસિંહ સોલંકીએ વિપક્ષને આડે હાથ લેતા જણાવ્યું હતું કે, કોંગ્રેસના વિકાસ વિરોધી વલણને લઈને જ પ્રજા સતત ભાજપને સત્તા સ્થાને બેસાડી રહી છે. તેઓએ વિરોધ મુદ્દે પણ વિપક્ષી સદસ્યો જ એકજુટ ન હોવાનું જણાવી માત્ર બોર્ડમાં મીડિયાની ઉપસ્થિતિ ટાણે જ કાગારોળ મચાવનાર વિપક્ષ સામે આકરા પ્રહારો કર્યા હતા.