IPL 2026 Qualifier-2: ફાઇનલની ટિકિટ માટે GT અને RR વચ્ચે મહાજંગ; આ 5 ખેલાડીઓ પર રહેશે આખી દુનિયાની નજર

આઈપીએલ 2026 (IPL 2026) હવે તેના અંતિમ તબક્કા તરફ આગળ વધી રહી છે. આજે એટલે કે શુક્રવાર, 29 મેના રોજ ન્યૂ ચંદીગઢના મુલ્લાંપુર સ્થિત મહારાજા યાદવિન્દ્ર સિંહ ઇન્ટરનેશનલ ક્રિકેટ સ્ટેડિયમમાં એક હાઈ-વોલ્ટેજ મુકાબલો રમાવા જઈ રહ્યો છે.

ક્વાલિફાયર-2 (Qualifier 2) ના આ મહાજંગમાં ગુજરાત ટાઇટન્સ (GT) અને રાજસ્થાન રોયલ્સ (RR) સામસામે ટકરાશે. આ મેચ જીતનારી ટીમ સીધી 31 મેના રોજ રોયલ ચેલેન્જર્સ બેંગલુરુ (RCB) સામે ફાઇનલમાં ટકરાશે, જ્યારે હારનારી ટીમની સફર અહીં જ સમાપ્ત થઈ જશે. ગુજરાત ટાઇટન્સને ક્વાલિફાયર-1માં RCB સામે હારનો સામનો કરવો પડ્યો હતો, જ્યારે રાજસ્થાન રોયલ્સે એલિમિનેટરમાં સનરાઇઝર્સ હૈદરાબાદ (SRH) ને 47 રને હરાવીને અહીં સુધીની સફર ખેડી છે. આ રોમાંચક મેચ સાંજે 7:30 વાગ્યે શરૂ થશે. આ કરો અથવા મરો (Do or Die) ના મુકાબલામાં બંને ટીમો પાસે એવા ધુરંધરો છે જે એકલા હાથે મેચનો પાસો પલટી શકે છે. ચાલો જાણીએ એવા 5 ગેમ ચેન્જર ખેલાડીઓ વિશે, જેમના પર આજે સહુની નજર રહેશે.

1. વૈભવ સૂર્યવંશી (Vaibhav Sooryavanshi) - રાજસ્થાન રોયલ્સ

માત્ર 15 વર્ષના આ યુવા ઓપનિંગ બેટ્સમેને IPL 2026માં ધમાકો મચાવી દીધો છે. એલિમિનેટર મેચમાં સનરાઇઝર્સ હૈદરાબાદ વિરુદ્ધ વૈભવે માત્ર 29 બોલમાં 97 રનની વિસ્ફોટક ઇનિંગ રમી હતી, જેમાં 12 ગગનચુંબી સિક્સર સામેલ હતી. તે આઈપીએલ ઇતિહાસની સૌથી ફાસ્ટેસ્ટ સેન્ચુરીથી માત્ર 3 રન ચૂકી ગયો હતો. જો આજે પણ પાવરપ્લેમાં વૈભવનું બેટ ચાલશે, તો તે ગુજરાતના બોલરોની લાઇન-લેન્થ બગાડી શકે છે.

2. શુભમન ગિલ (Shubman Gill) - ગુજરાત ટાઇટન્સ

ગુજરાત ટાઇટન્સના કેપ્ટન શુભમન ગિલ આખી સીઝનમાં શાનદાર ફોર્મમાં રહ્યા છે. ગિલે આ સીઝનમાં અત્યાર સુધી 618 રન બનાવ્યા છે. સૌથી મહત્વની વાત એ છે કે આઈપીએલ પ્લેઓફમાં તેઓ 500 રન પૂરા કરવાથી માત્ર 23 રન દૂર છે. રાજસ્થાન રોયલ્સ સામે ગિલનો રેકોર્ડ હંમેશાં શાનદાર રહ્યો છે (તેમણે RR સામે 614 રન બનાવ્યા છે જે કોઈ પણ ટીમ સામે તેમના સૌથી વધુ છે). કેપ્ટન ગિલ જો ક્રિઝ પર ટકી ગયા, તો ગુજરાત માટે ફાઇનલનો રસ્તો આસાન થઈ જશે.

3. જોફ્રા આર્ચર (Jofra Archer) - રાજસ્થાન રોયલ્સ

રાજસ્થાન રોયલ્સના ફાસ્ટ બોલિંગ આક્રમણની કમાન જોફ્રા આર્ચરના હાથમાં છે. આર્ચરે આ સીઝનમાં પોતાની ઘાતક પેસ અને બાઉન્સથી બેટ્સમેનોને ખૂબ પરેશાન કર્યા છે અને અત્યાર સુધી 24 વિકેટ ઝડપી ચૂક્યા છે. એલિમિનેટર મેચમાં પણ તેમણે હૈદરાબાદના ટોપ ઓર્ડરને ધ્વસ્ત કરીને 3 વિકેટ લીધી હતી. પાવરપ્લે અને ડેથ ઓવર્સમાં આર્ચરની સ્પેલ ગુજરાતના બેટ્સમેનો માટે સૌથી મોટો પડકાર સાબિત થશે.