(જીતેન્દ્ર આચાર્ય) ગોંડલ તા.5 ગોંડલ ખાતે જન્માષ્ટમી નિમિતે પ્રતિ વર્ષની માફક નગરપાલિકા દ્વારા સંગ્રામસિંહ હાઈસ્કૂલનાં મેદાનમાં યોજાતા લોકમેળા અંગે ઓનલાઈન ટેન્ડર પ્રક્રિયા ગઇકાલ તા.4 થી શરૂ કરાઇ છે.જેની અંતિમ તા.10/8 છે.

આગામી તા.2/9 રાંધણછઠ્ઠથી તા.8/9 સુધી સાત દિવસ માટે લોકમેળો યોજાનાર છે. મેળાનાં આયોજન માટે નગરપાલિકા કચેરી ખાતે કારોબારી ચેરમેન રાજેન્દ્રસિંહ જાડેજાનાં અધ્યક્ષ સ્થાને લોકમેળા કમીટીની બેઠક મળી હતી.જેમાં કમીટી સદસ્યો ઋષિરાજસિંહ જાડેજા, આશિફભાઇ ઝકરીયા, મયુરીબેન આચાર્ય, બીન્દુબેન સોલંકી, રાજવીબેન શિંગાળા, રાહુલભાઈ ડાભી, નિલેશભાઈ કાપડીયા, અનિલભાઈ ચાવડા ઉપસ્થિત રહ્યા હતાં.