'ધ ગાર્ડિયન'ના અહેવાલ મુજબ, આ બધું ગયા વર્ષનાં આ જ સમયગાળાના લગભગ 50 અબજ ડોલરના નફા કરતાં લગભગ બમણું છે. નફો કરતી કંપનીઓ છે, સાઉદી અરામકો, બીપી, શેલ, ઇક્વિનોર, ટોટલએનર્જીસ, એની, શેવરોન અને એક્સનમોબિલ. તેમનાં નફાની ગણતરી કરીએ તો દર મિનિટે આશરે 7 લાખ ડોલરથી વધુ કમાણી થઈ છે. તેમનું બજાર મૂલ્ય પણ લગભગ 600 અબજ ડોલર વધીને 3 ટ્રિલિયન ડોલરથી ઉપર પહોંચી ગયું છે.

કંપનીઓનો નફો :-
સાઉદી અરામકો એ સૌથી વધુ નફો કર્યો 33 અબજ ડોલરથી વધુ, જે ગયા વર્ષ કરતાં 34 ટકા વધુ છે. તેની સુવિધાઓ પર ડ્રોન અને મિસાઈલ હુમલા પણ થયા હતા. બીપી એ 5.73 અબજ ડોલરનો નફો જાહેર કર્યો, જે રશિયા-યુક્રેન યુદ્ધનાં પહેલાં વર્ષ પછી સૌથી વધુ છે અને છેલ્લાં ત્રણ મહિનાના 2.5 અબજ ડોલર કરતાં બમણાથી પણ વધુ છે. શેલનો નફો 9.84 અબજ ડોલર રહ્યો, જે તેનાં ઇતિહાસનો બીજો સૌથી વધુ ત્રિમાસિક નફો છે.

ઇક્વિનોર નો નફો 3.2 અબજ ડોલર થઈ ગયો. શેવરોન એ 12.2 અબજ ડોલર અને એક્સનમોબિલ એ 14.5 અબજ ડોલરનો નફો જાહેર કર્યો. આ બંને ગયા વર્ષની સરખામણીમાં ઘણા ગણા વધારે છે.