રાજકોટ તા.5 રાજકોટ લોધીકા સહકારી સંઘની ચૂંટણી માટે કલેકટર તંત્ર દ્વારા આજે કામચરાઉ મતદાર યાદી પ્રસિધ્ધ કરી દેવામાં આવી છે. જેમાં વાંધા દાવા આગામી સાત દિવસમાં જ રજૂ કરવા માટે તાકીદ કરી દેવામાં આવી છે.
અહીં એ ઉલ્લેખનીય છે કે રાજકોટ લોધીકા સહકારી સંઘની ખેતી વિષયક સેવા સહકારી મંડળીના સભ્યોની 15 બેઠક તથા વ્યકિતગત સભાસદોની 1 બેઠક મળી કુલ 16 સભ્યોની ચૂંટણી યોજવામાં આવનાર છે.
આ ચૂંટણી અંગેની કામચલાઉ મતદાર યાદી પ્રસિધ્ધ કરી કલેકટર તંત્ર દ્વારા આ મતદાર યાદીને કલેકટર કચેરી, પ્રાંત-2, રજીસ્ટ્રાર ઓફીસ, સહકારી ખરીદ વેચાણ સંઘ અને મામલતદાર કચેરીના નોટીસ બોર્ડ પર મુકવામાં આવી છે.
આગામી સાત દિવસમાં જ વાંધા દાવાઓ રજૂ કરવા માટે તાકીદ કરવામાં આવી છે. વાંધા દાવા રજૂ કરવાની માટેની સાત દિવસની મુદત પુરી થયા બાદ ચૂંટણીનું જાહેરનામુ પ્રસિધ્ધ કરવામાં આવશે.