8 ઓગસ્ટ રાત્રિએ નીકળી 9 તારીખે સોમનાથ ખાતે સવારે પહોંચશે.

જે બાદ બજરંગદાસ બાપાની આરતી કરી અલગ અલગ ટીમોમાં સોમનાથ મંદિર, જૂનું સોમનાથ, ભાલકા ત્રિવેણી, રામ મંદિર, ગીતા મંદિર, પ્રાચી મંદિર પરિષર, ગૌશાળા, હરિહરવન, સ્મશાન સહિતના સ્થળોએ સાફ-સફાઈ કરી મંદિરને ચકચકતું સ્વચ્છ બનાવાશે. આ માટે અમો પોતે જ સફાઈના સાધનો સાથે લાવીએ છીએ. 150 સાવરણા, 50 સાવરણી, 80 વાયપર, 80 પોતાં, 500 ફૂટ પાણીના પ્રેસર પંપ, 50 લીટર સફાઈ લીકવીડનો ઉપયોગ કરાશે. છેલ્લા 23 વર્ષથી અમો ગુજરાતના દેવ મંદિરોમાં સેવકો સાથે આવી સેવા ભક્તિ કરીએ છીએ.

સોમનાથાં આ સેવા 15 વર્ષથી કરીએ છીએ. 9 ઓગસ્ટે રાઉન્ડ ધ કલોક આ સેવા ચાલું રહેશે અને 10 ઓગસ્ટ સોમનારના રોજ પૂ. બજરંગદાસ બાપાની ધૂન-ભજન અને વાજતે ગાજતે નગરયાત્રા, ધ્વજાના સામૈયા સાથે સોમનાથ મંદિરે પહોંચી ધ્વજારોહણ કરશે અને મહાદેવને થાળ ધરશે. આવનારા સેવકો સામાન્યથી માંડી અધિકારીઓ, ડોક્ટરો, ઈજનેરો વિગેરે રાજ્યના જુદા જુદા સ્થળોએથી સેવકો ભાગ લેશે. જેમાં 240 જેટલા મહિલા સેવકો પણ ભાગ લેશે.