સતત વરસાદને કારણે જયાં લોકો માટે ભોજનની વ્યવસ્થા કરવી મુશ્કેલ બની હતી, ત્યાં આ ટીમે જાતે જોખમગ્રસ્ત પરિવારોને સુરક્ષિત સ્થળે ખસેડવાની કામગીરી પણ હાથ ધરવામાં આવી હતી. ભારે વરસાદ વચ્ચે સેવાભાવ સાથે કરવામાં આવેલી આ કામગીરીને સ્થાનિક લોકોએ બિરદાવી હતી.

વરસાદી આપતિના સમયમાં પોલીસ માત્ર કાયદો અને વ્યવસ્થાની જ નહીં, પરંતુ સમાજની સુરક્ષા અને માનવસેવાની જવાબદારી પણ નિભાવી રહી છે. વાંકાનેર સીટી પોલીસ અને સેવાભાવીઓની આ પહેલ સમાજ માટે પ્રેરણારૂપ બની છે.