menu
સાંજ સમાચારજામનગર

વિદ્યાર્થીઓની કસોટીના ગુણ ઓનલાઇન નહીં નોંધાતા શિક્ષકોમાં રોષની લાગણી

11 July 2019, 6:57 am

જામનગર તા.11: જામનગર શહેર-જિલ્લામાં સરકારી શાળાના બાળકોની એકમ કસોટીના ગુણની ઓનલાઇન નોંધણી ન થતાં શિક્ષકોમાં દેકારો બોલી ગયો છે.10 દિવસથી સર્વ શિક્ષા અભિયાનના વેબપોર્ટલમાં ક્ષતિના કારણે આ સમસ્યા સર્જાઇ છે છતાં કોઇ પગલાં ન લેવાતાં શિક્ષકોમાં ભારે રોષની લાગણી ફેલાઇ છે.
રાજય સરકારના શિક્ષણ વિભાગના નિયમ અનુસાર દર અઠવાડીયે શનિવારના સરકારી શાળાના ધો.3 થી 8 ના બાળકોની જુદા-જુદા વિષયની એકમ કસોટી લેવાની હોય છે.આ માટે પેપર રાજયકક્ષાએ તૈયાર થાય છે.જે ઇ મેઇલ મારફત દરેક સરકારી શાળાને મોકલવામાં આવે છે.ત્યારબાદ શાળા કક્ષાએ આ પેપરની પ્રીન્ટ કાઢી વિધાર્થીઓને આપી કસોટી લેવામાં આવે છે.વિધાર્થી કસોટી આપ્યા બાદ શિક્ષકોએ આ પેપરની ચકાસણી કરી વિધાર્થીઓના ઓનલાઇન માર્ક સર્વ શિક્ષા અભિયાનના વેબપોર્ટલ પર મૂકવાના હોય છે.જામનગર શહેર-જિલ્લામાં શૈક્ષણિક સત્ર શરૂ થયા બાદ પ્રથમ એકમ કસોટી 29 જૂનના લેવામાં આવી હતી.પરંતુ ખાટલે મોટી ખોટ એ છે કે, કસોટીના પેપરની ચકાસણી કર્યા બાદ વિધાર્થીઓના ઓનલાઇન માર્ક સર્વ શિક્ષા અભિયાનની વેબસાઇટમાં ધાંધિયા અને ક્ષતિના કારણે 10 જુલાઇ સુધી અપલોડ ન થઇ શકતા શિક્ષકોમાં દેકારા સાથે ભારે રોષની લાગણી ફેલાઇ છે.

Loading...

No Internet connection

Link Copied