આગામી ૧૫ ઓગસ્ટે અમરેલી ખાતે યોજાનાર રાજ્યકક્ષાના સ્વાતંત્ર્ય પર્વની ઉજવણીને અનુલક્ષીને અમરેલી નગરપાલિકા દ્વારા શહેરવ્યાપી વિશેષ સ્વચ્છતા ઝુંબેશ શરૂ કરવામાં આવી છે. ઝુંબેશ અંતર્ગત બસ સ્ટેશન, રેલવે સ્ટેશન રોડ અને આસપાસના વિસ્તારોમાં સઘન સફાઈ કરવામાં આવી હતી. જાહેર સ્થળોએથી કચરો દૂર કરી રસ્તાઓને સ્વચ્છ બનાવાયા હતા. શહેરને સુંદર અને સુવ્યવસ્થિત બનાવવા નગરપાલિકા દ્વારા આગામી દિવસોમાં પણ વિવિધ વિસ્તારોમાં સફાઈ કામગીરી ચાલુ રાખવામાં આવશે.