ઈરાન અને ઇઝરાયલ વચ્ચે ચાલી રહેલા યુદ્ધ વચ્ચે, ઈરાનના સર્વોચ્ચ નેતા, આયાતુલ્લાહ મોજતબા ખામેનીએ મુસ્લિમ દેશોને એક થવા અને યુનાઇટેડ સ્ટેટ્સ અને ઇઝરાયલનો સામનો કરવા અપીલ કરી છે. તેમણે મુસ્લિમ દેશોના નેતાઓને "તેમના વાસ્તવિક દુશ્મનને ઓળખવા, તેની યોજનાઓને સમજવા અને તેનો સામનો કરવા" વિનંતી કરી છે. ઈરાનની રાજ્ય સમાચાર એજન્સી ઇરાની અનુસાર, ખામેનીએ તેહરાનમાં એક ધાર્મિક પરિષદમાં હાજરી આપતા નેતાઓને મોકલેલા પત્રમાં અમેરિકા અને ઈઝરાયલને બધા ઈસ્લામિક દેશોના દુશ્મન ગણાવ્યા હતા.
ઉલ્લેખનીય છે કે છ મહિના પહેલા અમેરિકા અને ઈઝરાયલના હુમલામાં તેમના પિતા અને ઘણા વરિષ્ઠ ઈરાની નેતાઓનું મોત થયું હતું. ત્યારથી ખામેનીને ભાગ્યે જ જાહેરમાં જાવા મળ્યા છે.
ખામેનીએનો સંદેશ એવા સમયે આવ્યો છે જ્યારે ઈરાન અને અમેરિકા અને ઈઝરાયલ વચ્ચેના તણાવ સમગ્ર પશ્ચિમ એશિયાને અસર કરી રહ્યો છે. ઈરાને પડોશી ગલ્ફ આરબ દેશોમાં અમેરિકન લશ્કરી થાણાઓને નિશાન બનાવ્યા અને હોર્મુઝ સ્ટ્રેટ દ્વારા જહાજાની અવરજવરને પ્રતિબંધિત કર્યા પછી પ્રાદેશિક તણાવ વધ્યો છે.
અમેરિકન સૈન્યએ હોર્મુઝ સ્ટ્રેટમાં ઈરાની રોકેટ લોન્ચર્સને નિશાન બનાવ્યા. લગભગ એક મહિનામાં ઈરાન સામે આ અમેરિકન સૈન્યની પહેલી જાહેર લશ્કરી કાર્યવાહી છે. અમેરિકાએ આ હુમલાઓને "મર્યાદિત અને ચોક્કસ કાર્યવાહી" તરીકે વર્ણવ્યા હતા, અને કહ્યું હતું કે તેઓએ ઈરાની ખાણ-બિછાવેલા લશ્કરી એકમોને નિશાન બનાવ્યા હતા. દરમિયાન, ઈરાને દાવો કર્યો હતો કે તેમણે અમેરિકાની કાર્યવાહીનો બદલો લેવા માટે જાર્ડનમાં અમેરિકન થાણાઓ પર મિસાઈલ હુમલા કર્યા છે.
જાર્ડનની સેનાના જણાવ્યા અનુસાર, સોમવારે વહેલી સવારે દેશના હવાઈ ક્ષેત્રમાં પ્રવેશેલી આઠ મિસાઈલોને અટકાવવામાં આવી હતી. ઈરાની રાજ્ય મીડિયાએ બેલિસ્ટિક મિસાઈલ લોન્ચના ફૂટેજ પ્રસારિત કર્યા હતા અને તેને યુએસ હુમલા સામે બદલો લેવાની કાર્યવાહી તરીકે વર્ણવ્યું હતું.
ઈરાની મીડિયા અનુસાર, હોર્મુઝ સ્ટ્રેટ નજીક લારાક ટાપુની આસપાસ વિસ્ફોટો સંભળાયા હતા. ઈરાનના રિવોલ્યુશનરી ગાર્ડે ઘણા સૈનિકો અને નાગરિકોના મોત અને ઘાયલ થયાના અહેવાલ આપ્યા હતા.