કોર્ટે ઢેબરને અધિકારીઓને તેમના રહેઠાણનું સરનામું (રાજ્યની બહાર) અને તેમનો સંપર્ક નંબર પ્રદાન કરવાનો પણ નિર્દેશ આપ્યો.મુખ્ય ન્યાયાધીશ સૂર્યકાંત અને ન્યાયાધીશ જાયમલ્યા બાગચી અને વી. મોહનાની બનેલી બેન્ચે ઢેબરને જામીનની શરત તરીકે છત્તીસગઢની બહાર રહેવા અને ટ્રાયલ દરમિયાન કોર્ટમાં હાજર રહેવાનો આદેશ આપ્યો હતો. ઢેબર તરફથી વરિષ્ઠ વકીલ મુકુલ રોહતગી હાજર રહ્યા હતા, જ્યારે છત્તીસગઢ તરફથી વરિષ્ઠ વકીલ મહેશ જેઠમલાણી હાજર રહ્યા હતા.અગાઉ, ૧૩ મેના રોજ, છત્તીસગઢ હાઈકોર્ટે ઢેબરની જામીન અરજી ફગાવી દીધી હતી, જેમાં કહેવામાં આવ્યું હતું કે આરોપો રાજ્ય સરકારી કોર્પોરેશનમાં ઊંડા મૂળવાળા અને વ્યવસ્થિત ભ્રષ્ટાચાર નેટવર્ક દર્શાવે છે. હાઈકોર્ટે સ્વીકાર્યું હતું કે જાહેર ભંડોળને સંડોવતા આર્થિક ગુનાઓને વધુ ગંભીરતાથી લેવા જાઈએ. હાઈકોર્ટે જણાવ્યું હતું કે ઊંડા મૂળવાળા કાવતરાં અને જાહેર નાણાંના મોટા પાયે નુકસાન સાથે સંકળાયેલા આર્થિક ગુનાઓ ગંભીર ગુનાઓ છે જે સમગ્ર રાષ્ટÙીય અર્થતંત્રને અસર કરે છે.
કોર્ટે નોંધ્યું હતું કે તપાસ દરમિયાન એકત્રિત કરાયેલા પ્રથમદર્શી પુરાવાઓ દર્શાવે છે કે માનવશÂક્ત પુરવઠા એજન્સીઓને તેમના કાયદેસર બિલ અને લેણાંની મંજૂરી મેળવવા માટે ગેરકાયદેસર કમિશન ચૂકવવા માટે કથિત રીતે દબાણ કરવામાં આવ્યું હતું. આ કેસ આર્થિક ગુના શાખા/ભ્રષ્ટાચાર વિરોધી બ્યુરો દ્વારા ભારતીય દંડ સંહિતા અને ભ્રષ્ટાચાર નિવારણ અધિનિયમની જાગવાઈઓ હેઠળ નોંધવામાં આવ્યો હતો.ફરિયાદ પક્ષના જણાવ્યા મુજબ, સીએસએમસીએલમાં એક વ્યવસ્થિત પદ્ધતિ કાર્યરત હતી જેમાં માનવશક્તિ એજન્સીઓને બિલ મંજૂરી માટે કમિશન ચૂકવવાની ફરજ પાડવામાં આવતી હતી, અને આવક કથિત રીતે મધ્યસ્થી દ્વારા મોકલવામાં આવતી હતી.